Pentagonê daxwaz kir, alîkariya ji bo Hêzên Sûriyeya Demokratîk bê zêdekirin

Hewlêr (Rûdaw) – Wezareta Berevaniya Amerîkayê (Pentagon) pêşniyar kir, rêveberiya Amerîkayê hevkarî û alîkariyeke zêdetir bide Hêzên Sûriyeya Demokratîk (HSD).

Medyaya Amerîkayê beşek ji plana Wezareta Berevaniya Amerîkayê (Pentagon) ya derbarê şerê Sûriye û operasyona Reqayê belav kir.

Li gorî vê plane Pentagon ji Koşka Spî re pêşniyar dike hejmara hêzên taybet ên bi armanca pêkanîna operasyonên serbazî li Sûriyê, bên zêdekirin. Herwiha tê pêşniyarkirin, ku hevkariyên leşkerî yên ji bo Hêzên Sûriyeya Demokratîk (HSD) û çekên pêwîst ji bo wan bên dabînkirin.

Pentagon daxwaz dike ji esman ve jî alîkariya ji bo Hêzên Sûriyeya Demokratîk (HSD) berdewam bibe.

Hêzên Sûriyeya Demokratîk (HSD) ji şervanên kurd, ereb û pêkhateyên din pêk tê lê Yekîneyên Parastina Gel (YPG) rola sereke di vê hêzê de dilîzin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger