Hewlêr (Rûdaw) - Azerbaycanê grûpeke 6 kesî ya bi navê Fewca Miqaweme bi tometa hewla darbeyê desteser kirin û ragihand ku Îran li pişt wê grûpê ye.
Piştî vê yekê, Azerbaycanê Balyozê Îranê bo Wezareta Derve bang kir û ji 4 dîplomatên Balyozxaneya Îranê li Bakuyê jî xwest ku di 48 demjimêran de ji Azerbaycan derkevin.
Azerbaycan dibêje, grûpa 6 kesî bi piştevaniya Îranê hewla kudetayê li Azerbaycanê dane ku endamên wê grûpê ji aliyê dezgehên îstixbarata Îranê ve hatine damezrandin.
Her yek ji Wezareta Naxwe, Dozgerî û Rêxistina Asayîşa Dewletê yên Azerbaycanê daxuyaniyeke hevbeş belavkirin û tê de hatiye gotin, endamên wê grûpa bi navê Fewca Miqaweme ku Îran piştevaniya wan dike, plan hebûne bi derxistina alozî û tundûtûjiyan desthilata niha ya Azerbaycanê lawaz bikin û hikûmeteke mezhebî li wî welatî ava bikin.
Hikûmeta Azerbaycanê dibêje, wê grûpê dahata xwe ji qazancên madeyên hişber bidest xistiye.
Heta niha Îranê di wê derbarê de tu daxuyanî nedane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse