Kadirov: Em dê Kyivê kontrol bikin

Hewlêr (Rûdaw) - Serokê Çeçenistanê Ramazan Kadirov ragihand ew dê bajarê Mariupol ê li ser perava Deryaya Reş kontrol bikin ku niha di bin dorpêçê de ye û piştre berê xwe bidin Kyiv a paytexta Ukraynayê û bajarên din ên wî welatî.

Kadirov li ser kanala xwe ya Telegramê vîdyoyek belav kiriye û têde dibêje, ew dê êrîşî ser gelek bajarên Ukraynayê bikin û herdû navçeyên Luhansk û Donetskê bi temamî kontrol bikin û piştre dest deynin ser Kyivê jî.

Serokê Çeçenistanê Kadirov di şerê Ukraynayê de piştevaniya Rûsyayê dike û hejmareke zêde ya leşkerên xwe jî şandine Ukraynayê daku alîkariya hêzên Rûsî bikin.

Komara Çeçenistan beşek ji Rûsyaya Federal e û Ramazan Kadîrov bi piştgiriya Moskowê serokatiya wê dike.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger