Cîhan
Armanca civînê gotûbêjkirina pirsa koçberên rêya deryayî “Kanala Ingilîz” e ku aloziya siyasî di navbera Brîtanya û Fransayê de çêkiriye
Hewlêr (Rûdaw) - Fransa û çend welatên din ên endamên Yekîtiya Ewropayê (YE) îro Yekşemê 28ê Mijdara 2021ê, bo gotûbêjkirina mijara koçberên “Kanala Ingilîz” dicivin, lê Brîtanya bo civînê nehatiye vexwendin.
Biryar e îro Yekşemê piştî nîvro, wezîrên navxwe yên welatên Fransa, Almanya, Holanda û Belçîkayê li bajarê Calaisê yê bakurê rojavayê Fransayê bicivin.
Armanca civînê gotûbêjkirina pirsa koçberên rêya deryayî “Kanala Ingilîz” e ku aloziya siyasî di navbera Brîtanya û Fransayê de çêkiriye û vê yekê jî wiha kir ku berpirsên Fransî hevtayên xwe yên Brîtanî venexwînin civînê.
Civîn taybet e bi dîtina çareseriyekê bo sînordarkirina karê grûpên qeçaxçî û wan torên ku belemên text û lastîkî peyda dikin ku take rêya derbasbûna koçberan e di Kanala Ingilîz re bo Brîtanyayê.
Civîn piştî wê yekê tê kirin ku roja 24ê vê mehê belemeke koçberan niqûm bû û di encam de 27 koçber xeniqîn, di nav wan de jin û zarok jî hebûn.
Wezîrê Navxwe yê Fransayê Gerald Darmanin da zanîn ku armanca civînê baştirkirina karê wan ê hevbeş e dijî qeçaxçiyan û got, “Qeçaxçiyên koçberan bi toreke navdewletî ya bi qeçax birina mirovan ve girîdayî ne ku li çend welatên cuda yên Ewropayê kar dikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse