د. بەحبەح تیشک دەخاتە سەر داهاتووی کەرتی غەززە لە دوای ئاگربەستەکە، لەوانە پرسی چەکدانانی حەماس و پێشنیازی پێکهێنانی لیژنەیەکی تەکنۆکراتی فەڵەستینی بۆ بەڕێوەبردنی کاروباری غەززە. هەروەها ئاماژە بە پلانێک دەکات بۆ هاتنەناوەوەی هێزێکی ئەمنی عەرەبی-ئیسلامی بە چاودێری نەتەوە یەکگرتووەکان بۆ کۆنترۆڵکردنی دۆخی ئەمنی، کە بە گوتەی ئەو، حەماسیش ئامادەیی بۆ ئەم گۆڕانکارییە نیشانداوە تاوەکو رۆڵی لە بەڕێوەبردنی غەززەدا نەمێنێت.
قایمقامی چەمچەماڵ رایگەیاند، باڵەخانەی نەخۆشخانەی 110 قەرەوێڵەیی نزیکە لە تەواوبوون، لە رووی دابینکردنی کەلوپەلی نەخۆشخانەکەش هەنگاوی باشیان بڕیوە، بەڵام کێشەی نەبوونی ستافیان هەیە و داوا لە وەزارەتی تەندروستی دەکات ئەو كێشەیان بۆ چارەسەر بکات.
گەنجەکە بەسەرهاتەکانی خۆی لەبارەی پڵنگ دەگێڕایەوە، "جارێکیان لە ئەشکەوتێک خەوتبووین، گوێم لە نەڕەی پڵنگ بوو، وامدەزانی خەونە، بە نەڕەی دووەم لە جێگەکەم راچڵەکیم... پڵنگەکە لەسەر ئەشکەوتەکە بوو، واتە تەنیا 10 مەتر لێمانەوە دوور بوو."
بەڕێوەبەری گشتیی ئەوقافی سلێمانی لەبارەی داهاتی موڵکەکانی بەڕێوەبەرایەتییەکەیان رایگەیاند، داهاتی ساڵانەیان دەگۆڕێت و جێگیر نییە، بەڵام بە گشتی نزیکەی ملیارێک دینارە، لە کاتێکدا کەمتر لە 30٪ـی موڵکەکانی وەزارەتی ئەوقاف لە سنووری پارێزگای سلێمانییە.
