رووداو دیجیتاڵ
ئەمڕۆ چوارشەممە 04-02-2026 لەدوای کردنەوەی بازاڕەکانی ئاسیا، نرخی نەوت وەک رۆژی رابردوو بە بەرزبوونەوە کرایەوە.
نرخی یەک بەرمیل نەوتی برێنتی دەریای باکوور 65 سەنت بەرزبووەوە و بە 67 دۆلار و 98 سەنت مامەڵەی پێوەکرا.
نرخی بەرمیلێک نەوتی سووکی تەکساسی ئەمریکاش 69 سەنت بەرزبووەوە و بە 63 دۆلار و 90 سەنت مامەڵەی پێوەکرا.
لەبەر زیادبوونی گرژییە جیۆسیاسییەکان، رۆژی سێشەممە نرخەکانی نەوت بە رێژەی 2% بەرزبوونەوەیان بەخۆوە بینی.
ئەمریکا رایگەیاند، درۆنێکی ئێرانییان خستووەتە خوارەوە دوای ئەوەی نزیکبووەتەوە لە کەشتییە جەنگییەکانی ئەمریکا.
هەروەها کەشتییەکی بازرگانی کە ئاڵای ئەمریکای لەسەر بووە، لەلایەن سوپای پاسدارن دەورەی دراوە، بەڵام کەشتییەکە بە سەلامەت خۆی لە گەرووی هورموز دەرباز کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ