کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

وێنە: باسم محەممەد عەبادی، وەزیری نەوتی عێراق، لەکاتی کردنەوەی چوارەمین پێشانگە و کۆنگرەی نێودەوڵەتیی نەوت و گازی عێراق

وێنە: باسم محەممەد عەبادی، وەزیری نەوتی عێراق، لەکاتی کردنەوەی چوارەمین پێشانگە و کۆنگرەی نێودەوڵەتیی نەوت و گازی عێراق

ئابووری

وەزیری نەوتی عێراق: هەناردەکردنی نەوت رۆژانە بۆ 3 ملیۆن بەرمیل بەرزبووەتەوە

نەهرۆ محەممەد

نەهرۆ محەممەد

08-09-2026
گوێبگرە
0:00
0:00
قەبارەی دەق
نەهرۆ محەممەد
نەهرۆ محەممەد08-09-2026

بابەتی پەیوەندیدار

ئۆنسەیەکی زێڕ لە نزیک 3720 دۆلار مامەڵەی پێوەدەکرێت
ئابووری19-11-2026

ئۆنسەیەکی زێڕ لە نزیک 3720 دۆلار مامەڵەی پێوەدەکرێت

ئەنسرۆپیک گەورەترین دەستپێکی لە مێژووی بازاڕی پشکەکاندا تۆمارکرد
ئابووری19-11-2026

ئەنسرۆپیک گەورەترین دەستپێکی لە مێژووی بازاڕی پشکەکاندا تۆمارکرد

نرخی نەوتی برێنت لە نزیک 92 دۆلار مامەڵەی پێوەدەکرێت
ئابووری19-11-2026

نرخی نەوتی برێنت لە نزیک 92 دۆلار مامەڵەی پێوەدەکرێت

  رووداو دیجیتاڵ

وەزیری نەوتی عێراق رایگەیاند، هەناردەکردنی نەوتی وڵاتەکەی لە ماوەی 100 رۆژی رابردوودا بۆ زیاتر لە 3 ملیۆن بەرمیل لە رۆژێکدا بەرزبووەتەوە و کار لەسەر پرۆژەیەکی ستراتیژی بۆ بەستنەوەی بەسڕە بە بەندەری بانیاسی سووریا دەکەن.


رۆژی سێشەممە، 8ی ئەیلوولی 2026، لەکاتی کردنەوەی چوارەمین پێشانگە و کۆنگرەی نێودەوڵەتیی نەوت و گازی عێراق، باسم محەممەد عەبادی، لە گوتارێکدا رایگەیاند، "کەرتی نەوت لە قۆناخێکی یەکجار گرنگدایە و سەرەڕای ئاڵنگارییە هەرێمی و نێودەوڵەتییەکان، دەرفەتی گەورە بۆ گەشەپێدان رەخساون."
 
وەزیری نەوت ئاماژەی بەوە کرد، سەرەڕای دەستپێکردنی کارەکانیان لە بارودۆخێکی سەختدا، وەزارەتەکەی بڕیاریداوە بە گیانێکی دەستپێشخەرانەوە رووبەڕووی کێشەکان ببێتەوە. بە گوتەی عەبادی، "لە ماوەی 100 رۆژی تەمەنی حکومەتدا، توانیمان هەنگاوی گەورە بنێین، لە سەرووی هەمووشیانەوە بەرزکردنەوەی ئاستی هەناردەکردنی نەوت بوو لە 200 هەزار بەرمیلەوە بۆ زیاتر لە 3 ملیۆن بەرمیل رۆژانە لەم مانگەدا، ئەمەش بە هەوڵی دڵسۆزانەی فەرمانبەران و کۆمپانیا نیشتمانی و جیهانییەکان هاتەدی."

عەبادی، باسی لە هەمەجۆرکردنی رێڕەوەکانی هەناردەکردنی نەوتی عێراق کرد و رایگەیاند کە کار لەسەر چالاککردنەوەی "دەروازەی باکوور" دەکەن لە رێگەی رێککەوتن لەگەڵ تورکیا.  پرۆژەیەکی ستراتیژی لەگەڵ هاوپەیمانیی کۆمپانیاکانی (شێڤرۆن، TIـی ئەمریکی و UCCـی قەتەری) لە ئارادایە بۆ بەستنەوەی بەسڕە بە بێشخابوور، کە لقێکی لێ دەبێتەوە بەرەو بەندەری بانیاس لە سووریا، ئەمەش نەرمیی و ئاسایشی زیاتر بە هەناردەی عێراق دەبەخشێت.

وەزیری نەوت، واژۆکردنی چەندین رێککەوتنی لەگەڵ کۆمپانیا گەورەکان لە ئەمریکا بۆ پەرەپێدانی کێڵگە نەوتییەکان و بلۆکە نوێیەکانی گەڕان بە دەستکەوتێکی دیکە ناوبرد. 
سەبارەت بە کەرتی پاڵاوتن، بەگوتەی وەزیری نەوتی عێراق ئامانجیان تەنیا فرۆشتنی نەوتی خاو نییە، بەڵکو زیادکردنی توانای پاڵاوتنە بۆ دابینکردنی پێداویستیی ناوخۆ و رزگاربوونی عێراق لە هاوردەکردنی بەرهەمە نەوتییەکان. لەم چوارچێوەیەدا، رایگەیاند کە وەزارەت سەرکەوتوو بووە لە رازیکردنی کۆمپانیای JGCـی ژاپۆنی بۆ دەستپێکردنەوەی کارەکانی لە پرۆژەی FCC لە پاڵاوگەکانی باشوور.

باسم عەبادی، داوای لە کۆمپانیا جیهانییەکان کرد وەبەرهێنان لە عێراق بکەن و گوتی: "عێراق دەرفەتی وەبەرهێنانی فراوانی هەیە. ئێمە پەرۆشین بۆ بنیاتنانی هاوبەشییەکی راستەقینە کە بەرژەوەندیی هەموو لایەک بپارێزێت. ئەوەی لە 100 رۆژی رابردوودا کرا، تەنیا سەرەتایەکە بۆ قۆناخی تێپەڕاندنی قەیرانەکان و وەبەرهێنانی گاز لەبری سووتاندنی."

بابەتی پەیوەندیدار

ئۆنسەیەکی زێڕ لە نزیک 3720 دۆلار مامەڵەی پێوەدەکرێت
ئابووری19-11-2026

ئۆنسەیەکی زێڕ لە نزیک 3720 دۆلار مامەڵەی پێوەدەکرێت

ئەنسرۆپیک گەورەترین دەستپێکی لە مێژووی بازاڕی پشکەکاندا تۆمارکرد
ئابووری19-11-2026

ئەنسرۆپیک گەورەترین دەستپێکی لە مێژووی بازاڕی پشکەکاندا تۆمارکرد

نرخی نەوتی برێنت لە نزیک 92 دۆلار مامەڵەی پێوەدەکرێت
ئابووری19-11-2026

نرخی نەوتی برێنت لە نزیک 92 دۆلار مامەڵەی پێوەدەکرێت

پێشنیازەکان

ئەمەنەش ببینە