رووداو دیجیتاڵ
ئەمڕۆ سێشەممە، نرخی دۆلار بەرامبەر بە تمەن 8,650 تمەن یان بەڕێژەی (3.66%) بەرزبووەوە و یەک دۆلار بە 244,700 تمەن مامەڵەی پێوەدەکرێت.
لە 24 کاژێری رابردوودا، بەرزترین نرخی دۆلار 245,700 تمەن بووە و نزمترین نرخیشی 235,900 تمەن. بەراورد بە هەفتەی رابردوو، نرخی دۆلار بە رێژەی نزیکەی 5.16% و لە ماوەی شەش مانگی رابردوویشدا بەڕێژەی 57.26% بەرزبوونەوەی بەخۆیەوە بینیوە.
شارەزایانی ئابووری پێیانوایە، ئاستی 240 هەزار تمەن یەکەم ئاستی پشتگیریی گرنگی دۆلارە لە مامەڵەکاندا. ئەگەر نرخی دۆلار بە بەهێزی لە سەرووی ئەو ئاستەدا جێگیربێت و هیچ هەواڵێکی ئەرێنیش بڵاونەبێتەوە لەسەر خاوبوونەوەی گرژییەکان، ئەگەری گەیشتنی نرخی دۆلار بۆ نزیکەی 250 هەزار تمەن هەیە.
بە پێچەوانەوە، ئەگەر هەواڵی نوێ لەبارەی بەردەوامیی دانوستاندنەکان یان کەمبوونەوەی ئاڵۆزییەکان بڵاوببێتەوە و گوشاری فرۆشتن لەسەر دۆلار سەرهەڵبدات، دەکرێت دۆلار جارێکی دیکە بۆ ئاستەکانی 238 و 240 هەزار تمەن دابەزێت.
