رووداو - تەندروستی
توێژینەوەیەک لە ئەمریکا ئاشکرای دەکات، چالاکیی جەستەیی رێگە دەگرێت لە پیربوون و کێشەکانی دڵی کە پەیوەستن بە پیربوونەوە.
توێژینەوەکە لە زانکۆی ئوتا کراوە و ئاشکرای کردووە، بە زیادبوونی چالاکیی جەستەیی تێکشکاندنی DNA و پیربوون و نەخۆشییەکانی دڵی پەیوەست بە پیربوونەوە کەمدەبێتەوە.
توێژینەوەکە ئاماژە بەوەشدەکات، لەگەڵ بەساڵاچووندا، مەترسیی تووشبوون بە نەخۆشییەکانی دڵ زیاددەکات، بەهۆی رەقبوونی دەمارەکان، بۆیە دەتواندرێت ئەم مەترسییە بە چالاکیی جەستەیی کەمبکرێتەوە.
د. جیسۆک لیم، سەرپەرشتیاری توێژینەوەکە دەڵێت: چالاکیی جەستەیی مەترسیی تووشبوون بە رەقبوونی دەماری کەمدەکاتەوە ئەگەرچی لە تەمەنی پیریشدا بێت.
بەگوێرەی پەیمانگەی تەندروستیی نیشتمانی لە بەریتانیا، 70٪ـی جەڵتە لە جیهاندا لە سەروو تەمەنی 65 ساڵییەوەیە کە گیرانی لوولەکانی خوێن هۆکارێکە.