کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

ئەڤین ئینجیر، پەرلەمانتاری یەکێتیی ئەورووپا. وێنە: دەیانا لا فوێنتی

ئەڤین ئینجیر، پەرلەمانتاری یەکێتیی ئەورووپا. وێنە: دەیانا لا فوێنتی

کوردستان

پەرلەمانتارێکی ئەورووپا: هێرش بۆ سەر نووسینگەی سەرۆکوەزیران هەڕەشەیە بۆ سەر سەقامگیریی ناوچەکە

نیاز مستەفا

نیاز مستەفا

18-08-2026
گوێبگرە
0:00
0:00
قەبارەی دەق
نیاز مستەفا هەواڵسازە لە تۆڕی میدیایی رووداو. ئەو لە بەشی نێودەوڵەتی کار دەکات و تیشک دەخاتە سەر کاروباری نێودەوڵەتی و ئەو رووداوە جیهانییانەی کە جێگەی بایەخی خەڵکن لە کوردستان، عێراق، ناوچەکە و هەموو جیهان. خاوەنی سێ ساڵ ئەزموونە لەم بوارەدا. نیاز مستەفا بڕوانامەی بەکالۆریۆسی لە ئەندازیاریی وزە لە زانکۆی ئەمریکی لە عێراق - سلێمانی (AUIS) و بڕوانامەی ماستەری لە سیاسەت و پەیوەندییە نێودەوڵەتییەکان لە زانکۆی کوردستان- هەولێر (UKH) هەیە.
نیاز مستەفا
نیاز مستەفا18-08-2026
نیاز مستەفا هەواڵسازە لە تۆڕی میدیایی رووداو. ئەو لە بەشی نێودەوڵەتی کار دەکات و تیشک دەخاتە سەر کاروباری نێودەوڵەتی و ئەو رووداوە جیهانییانەی کە جێگەی بایەخی خەڵکن لە کوردستان، عێراق، ناوچەکە و هەموو جیهان. خاوەنی سێ ساڵ ئەزموونە لەم بوارەدا. نیاز مستەفا بڕوانامەی بەکالۆریۆسی لە ئەندازیاریی وزە لە زانکۆی ئەمریکی لە عێراق - سلێمانی (AUIS) و بڕوانامەی ماستەری لە سیاسەت و پەیوەندییە نێودەوڵەتییەکان لە زانکۆی کوردستان- هەولێر (UKH) هەیە.

بابەتی پەیوەندیدار

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست
کوردستان18-11-2026

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست

رووداو دیجیتاڵ

ئەڤین ئینجیر، ئەندامی پەرلەمانی ئەورووپا رایگەیاند، دەبێت بە تووندی سەرکۆنەی هێرشە درۆنییەکانی سەر نووسینگەی مەسروور بارزانی، سەرۆکوەزیرانی هەرێمی کوردستان بکرێت و جەختی کردەوە کە دەبێت سەروەری و ئاسایشی هەرێمی کوردستان و عێراق بە تەواوی رێزی لێبگیرێت.

رۆژی دووشەممە، 17ی ئابی 2026، ئەڤین ئینجیر لە پەیامێکدا لە ئینستاگرام و تۆڕە کۆمەڵایەتییەکانی دیکە بڵاویکردەوە، "ئەو هێرشە درۆنییانەی کرانە سەر نووسینگەی سەرۆکوەزیران مەسرور بارزانی و دەزگای ئاسایش و هەواڵگریی هەرێمی کوردستان، دەبێت بە تووندی سەرکۆنە بکرێن."

ئەو ئەندامەی پەرلەمانی ئەورووپا گوتی: "ئەم هێرشە قبووڵنەکراوانە پەرەسەندنێکی مەترسیدار و هەڕەشەن بۆ سەر ئاسایش و سەقامگیریی ناوچەکە." ئینجیر هاوسۆزیی تەواوی خۆی بۆ سەرۆکوەزیران بارزانی و گەلی کوردستان دەربڕی.

ئەم هەڵوێستە نێودەوڵەتییە لە کاتێکدایە کە عەباس عێراقچی، وەزیری دەرەوەی ئێران رایگەیاند، هیچ شتێک پاساو بۆ هێرشە بێباکانەکەی سەر نووسینگەی مەسرور بارزانی ناهێنێتەوە و داوا لە لایەنە کوردییەکان دەکات وریای "پیلانی ئاڵای ساختە" بن بۆ تێکدانی پەیوەندییەکانی نێوان هەردوولا.

وەزیری دەرەوەی ئێران ئاماژەی بە مێژووی پەیوەندییەکانی تاران و هەولێر کرد و گوتی: "ئێمە بەرگریمان لە دۆستانی کوردمان کرد لە دژی سەددام و داعش و سوپاسگوزاری ئەو ئاسایشەشین کە لەسەر سنوورەکانمان دابینیان کردووە."

بەگوێرەی دژە تیرۆری کوردستان، بەرەبەیانی رۆژی دووشەممە، دوو درۆنی بۆمبڕێژکراو کە "لە سنووری ئێرانەوە" ئاراستە کرابوون، نووسینگەی تایبەتی مەسرور بارزانی و ماڵی بەڕێوەبەری ئاژانسی پاراستنیان لە پیرمام کردە ئامانج.

مەسرور بارزانی، سەرۆکوەزیرانی هەرێمی کوردستان لە پەیامێکدا لەبارەی هێرشەکەوە رایگەیاند: "دوای لێکۆڵینەوەیەکی دژەتیرۆری کوردستان، دەرکەوتووە ئەمڕۆ نووسینگەی تایبەتم و ماڵی سەرۆکی دەزگای ئاسایش و هەواڵگری بە هێرشی درۆنی ئێرانی کرانە ئامانج." سەرۆکوەزیران ئەمەی وەک "پەرەسەندنێکی مەترسیدار و هەڕەشەیەکی راستەوخۆ" بۆ سەر ئاسایشی هەرێمی کوردستان وەسفکرد.

هێرشەکە کاردانەوەی نێودەوڵەتی فراوانی لێکەوتەوە. ستێفان دووژاریک، گوتەبێژی سکرتێری گشتیی نەتەوە یەکگرتووەکان بە رووداوی گوت: "بە روونی ئەمە پێشێلکردنی سەروەریی عێراقە. ئێمە سەرکۆنەی هێرشەکە بۆ سەر نووسینگەی سەرۆکی حکومەتی هەرێمی کوردستان دەکەین."

بابەتی پەیوەندیدار

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست
کوردستان18-11-2026

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست

پێشنیازەکان

ئەمەنەش ببینە