رووداو دیجیتاڵ
لە رووداوێکی هاتووچۆدا لە رێگەی سەقز – بانە لە رۆژهەڵاتی کوردستان 4 کەس گیانیان لەدەستدا و 2 کەسی دیکەش بریندار بوون.
بەپێی ئەو زانیارییانەی دەست رووداو کەوتوون، رۆژی هەینی، 21ـی ئابی 2026، نزیک کاژێر 14:30 ئۆتۆمبێلێک لە رێگەی نێوان سەقز و بانە لە رێگەکەی لایدا و کەوتە نێو رووبار.
لە رووداوەکەدا 4 کەس گیانیان لەدەستدا و 2 کەسیش بریندار بوون.
ساڵانە ژمارەیەکی زۆر هاونیشتمانی و هاووڵاتی لە رۆژهەڵاتی کوردستان و ئێران بە رووداوی هاتووچۆ گیان لەدەست دەدەن. بەپێی ئامارە فەرمییەکانی دادپزیشکیی ئێران، پار 19 هەزار و 540 کەس لە ئێران و رۆژهەڵاتی کوردستان بە رووداوی هاتووچۆ گیانیان لەدەستدابوو.
