کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

نوورەدین ئەحمەد، پارێزگاری حەسەکە

نوورەدین ئەحمەد، پارێزگاری حەسەکە

کوردستان

پارێزگاری حەسەکە بۆ رووداو: هەفتەی داهاتوو بەرپرسانی نوێی ناحیە و شارەوانییەکان دەستبەکار دەبن

نەهرۆ محەممەد

نەهرۆ محەممەد

25-08-2026
گوێبگرە
0:00
0:00
قەبارەی دەق
نەهرۆ محەممەد
نەهرۆ محەممەد25-08-2026

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

رووداو دیجیتاڵ 

پارێزگاری حەسەکە رایدەگەیێنێت، قۆناخێکی نوێی کارگێڕی و دادوەری لە پارێزگاکە دەستپێدەکات و تێیدا فەرمانبەران و دادوەرانی رێڤەبەریی خۆسەر و حکومەتی سووریا یەکدەخرێن. دەشڵێت، هەفتەی داهاتوو بەرپرسانی نوێی ناحیە و شارەوانییەکان دەستبەکار دەبن.

نوورەدین ئەحمەد، پارێزگاری حەسەکە، لە دیمەشقەوە بە نوشێن حەمێ، ئیدیتۆر لە دیسکی رۆژئاوای کوردستان و سووریای تۆڕی میدیایی رووداوی راگەیاند، زنجیرەیەک کۆبوونەوەی ئاستبەرز و "ئەرێنی" لەگەڵ وەزیرانی حکومەتی سووریا کردووە، بە مەبەستی جێبەجێکردنی نەخشەڕێگەی نوێی بەڕێوەبردنی پارێزگاکە کە لە چوارچێوەی "رێککەوتنی 29ـی کانوونی دووەم"دا هاتووە.

پارێزگاری حەسەکە ئاماژەی بەوە دا، لەگەڵ وەزیری گەشەپێدانی کارگێڕی گەیشتوونەتە رێککەوتن بۆ دامەزراندنی بەڕێوەبەرایەتییەکی تایبەت لە حەسەکە، کە ئەرکی یەکخستنی دامەزراوەکانی نێوان رێڤەبەریی خۆسەر و حکومەتی سووریا دەبێت.

نوورەدین ئەحمەد گوتی: "ئەم بەڕێوەبەرایەتییە ئەرکی جێگیرکردنی هەموو ئەو فەرمانبەرانەی دەکەوێتە ئەستۆ کە دەکەونە نێو پڕۆسەی یەکخستنەکەوە، تاوەکو بە فەرمی گرێبەستیان بۆ بکرێت و کێشەی مووچەکانیان چارەسەر بکرێت."

سەبارەت بە کەرتی دادوەری، پارێزگاری حەسەکە تیشکی خستە سەر هەوڵەکان بۆ یەکخستنی دادوەران و فەرمانبەرانی دەستەی دادپەروەریی ئیدارەی خۆسەر لەگەڵ سیستمی دادوەریی دەوڵەت و رایگەیاند: "گفتوگۆی جیدی کراوە و بەمزووانە کۆشکی داد لە پارێزگای حەسەکە چالاک دەکرێتەوە و دەستبەکار دەبێت."

لەبارەی دۆخی کارگێڕی و پەروەردەیی، نورەدین ئەحمەد ئاشکرای کرد کە لەگەڵ وەزیری پەروەردەی سووریا پلانیان بۆ ساڵی نوێی خوێندن داڕشتووە بە جۆرێک گەرەنتیی مافی خوێندنی هەموو پێکهاتەکان بکرێت.

هەروەها مژدەی ئەوەی دا کە پرسی دیاریکردنی بەرپرسانی نوێی ناحیەکان و نووسینگە جێبەجێکارەکان یەکلایی کراوەتەوە و گوتی: "بەڵێن دەدەم لە هەفتەی داهاتوو تێپەڕ نەکات، بەرپرسانی نوێی ناحیە و شارەوانییەکان دەستبەکار دەبن."

ئەم گۆڕانکارییە ریشەییانە دوای رێککەوتنی 29ـی کانوونی دووەم دێن، کە ئامانج لێی کۆتاییهێنانە بە دوو ئیدارەیی و رێکخستنەوەی دامەزراوەکانی پارێزگای حەسەکە لە ژێر یەک چەتردا.

 


بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

پێشنیازەکان

ئەمەنەش ببینە