رووداو دیجیتاڵ
سەرۆکی هەرێمی کوردستان پێشوازیی لە پەرلەمانتارێکی ئەڵمانیا کرد و پشتگیریی پەرلەمانی ئەو وڵاتەی بۆ هەرێمی کوردستان "لە کاتە سەختەکاندا بەرز نرخاند."
بەیانیی ئەمڕۆ چوارشەممە 26-08-2026 نێچیرڤان بارزانی، سەرۆكی هەرێمی كوردستان پێشوازیی لە قاسم تاهیر ساڵح، ئەندامی پەرلەمانی فیدراڵیی ئەڵمانیا سەر بە لیستی پارتی سەوز كرد.
لە دیدارێكدا، بەپێی راگەیێندراوی سەرۆکایەتیی هەرێمی کوردستان، "سەرۆك نێچیرڤان بارزانی پشتگیریی پەرلەمانی ئەڵمانیای بۆ هەرێمی كوردستان لە كاتە سەختەكاندا بەرز نرخاند، بەتایبەت لە شەڕی دژی تیرۆردا، ههروهها حهوانهوه و هاوكاریكردنی ئاوارە ئێزدییەكان لەو وڵاتە."
دوا پێشهاتەكانی دۆخی ناوچەكە و پتەوكردنی زیاتری پەیوەندییەكانی هەرێمی كوردستان و ئەڵمانیا لە هەموو بوارەكاندا، تەوەرێكی دیكەی دیدارەكە بوو.
