کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

وێنەکە تەنیا بۆ روونکردنەوەی زیاترە. سەرچاوە: ئیرنا

وێنەکە تەنیا بۆ روونکردنەوەی زیاترە. سەرچاوە: ئیرنا

کوردستان

لە ئیلام پێنج پارچە شوێنەواری سەردەمی ئاسنین دۆزرانەوە

پەیمان محەممەد

پەیمان محەممەد

28-08-2026
گوێبگرە
0:00
0:00
قەبارەی دەق
پەیمان محەممەد
پەیمان محەممەد28-08-2026

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

رووداو دیجیتاڵ


لە ئاودانانی ئیلام پێنج پارچە شوێنەوار دۆزراونەتەوە کە تایبەتن بە سەردەمی ئاسنین و مێژووەکەیان دەگەڕێتەوە بۆ نزیکەی سێ هەزار و 500 ساڵ لەمەوپێش. بەڕێوەبەری گشتیی میراتی کولتووریی پارێزگاکە دەڵێت، دووانیان ئەنگوستیلەی بڕۆنزن.

شەوی پێنجشەممە 27-08-2026، فەرزاد شەریفی، بەڕێوەبەری گشتیی میراتی کولتووری، گەشتیاری و پیشە دەستییەکانی پارێزگای ئیلامی رۆژهەڵاتی کوردستان رایگەیاند، دوای بەدواداچوونی تیمەکانی پۆلیس، کەسێک لە ئاودانانی پارێزگاکە دەستگیر کراوە، کە پێنج پارچە شوێنەواری مێژوویی قاچاخی پێبووە.

بەگوتەی فەرزاد شەریفی، دوای دەستبەسەرداگرتنی پارچە شوێنەوارەکان، لەلایەن تیمەکانی میراتی کولتوورییەوە تاقیکارییان بۆ کراوە و دەرکەوتووە تایبەتن بە سەردەمی ئاسنین.

بەڕێوەبەری گشتیی میراتی کولتووریی ئیلام ئاماژەی بە جۆری شوێنەوارەکان کرد و گوتی، دوو ئەنگوستیلە و دوو دەرزیلەی بڕۆنزن لەگەڵ گۆزەیەکی گڵی.

ئیلام بە هەبوونی مێژوویەکی شارستانیی 11 هەزار ساڵە، گەنجینەیەکی بێ کۆتایی لە مێژوو و کولتووری دێرینی لەخۆگرتووە. فەرزاد شەریفی ئەوەشی خستەڕوو، پارێزگاکە خاوەنی 1500 شوێنەواری مێژوویی، سرووشتی و گەشتیارییە کە تاوەکو ئێستا 936ـیان تۆمار کراون.

ئەنگوستیلەی بڕۆنز لە سەردەمی ئاسنیندا هێمای چی بووە؟

سەردەمی ئاسنین قۆناخێکی گرنگی مێژووی مرۆڤایەتییە کە تێیدا مرۆڤ فێر بوو ئاسن دەربهێنێت و بەکاریبهێنێت بۆ دروستکردنی ئامێر و چەک، کە زۆر بەهێزتر بوون لەو کەرەستانەی لە سەردەمی بڕۆنزدا دروست دەکران.

ئەو سەردەمە لە 1500 ساڵ بەر لە زایین دەستیپێکرد و تاوەکو نزیکەی 500 ساڵ بەر لە زایین بەردەوام بوو.

بەپێی بەڵگە مێژووییەکان، لە سەردەمی ئاسنیندا لە ناوچەی ئیلام بەکارهێنانی ئەنگوستیلەی بڕۆنز، تەنیا بۆ جوانی نەبووە، بەڵکو نیشانەی پێگەی کۆمەڵایەتی و ئایینیی و هێمای باڵادەستیی بەکارهێنەر لە کۆمەڵگەدا بووە.

شا و شاژن، پیاوانی ئایینی، فەرماندە شەڕکەرەکان، چینی دەوڵەمەند و بازرگانان ئەو کەسانەن کە لە سەردەمی ئاسنیندا ئەنگوستیلە، پشتێن یان مۆری بڕۆنزیان بەکارهێناوە.

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

پێشنیازەکان

ئەمەنەش ببینە