رووداو دیجیتاڵ
بەیانی ئەمڕۆ بوومەلەرزەیەک لە سنووری قەزای کەلاری سەر بە ئیدارەی گەرمیان لە پارێزگای سلێمانی روویدا. بوومەلەرزەزانیی عێراق دەڵێ، گوڕەکەی 4.3 پلەی رێختەر بووە.
عامر جابری، بەڕێوەبەری راگەیاندن و پەیوەندییەکان لە دەستەی کەشناسی و بوومەلەرزەزانیی عێراق، ئەمڕۆ شەممە 29ی ئابی 2026 بە تۆڕی میدیایی رووداوی راگەیاند: "کاژێر 10:15:22 بەیانی ئەمڕۆ، بوومەلەرزەیەک لە دووری 5 کیلۆمەتر لە باکووری رۆژئاوای کەلار بە قووڵایی 22کیلۆمەتر و بە گوڕی 4.3 پلەى رێختەر روویدا".
بەڕێوەبەری راگەیاندن و پەیوەندییەکان لە دەستەی کەسناسی و بوومەلەرزەزانیی عێراق دەڵێ، دانیشتوانی ناوچەکە هەستیان بە بوومەلەرزەکە کردووە، زیانی گیانی و مادەی نەبووە.
بە گوتەی بەڕێوەبەری راگەیاندن و پەیوەندییەکان لە دەستەی کەشناسی و بوومەلەرزەزانیی عێراق، مانگی رابردوو 57 بوومەلەرزە لە ناوخۆی عێراق و باشووری کوردستان روویانداوە کە 32ـیان لە سنووری پارێزگای کەرکووک بوون، 45 بوومەلەرزەی دیکەش ناوەندەکەیان لە دەرەوەی عێراق بووە.
_(1).webp&w=3840&q=75)
