رووداو دیجیتاڵ
مەزڵووم عەبدی پەیوەندییەکی تەلەفۆنی بە سەرۆک مەسعود بارزانییەوە کرد و بۆ کۆچی دوایی عەبدولواحید ئیبراهیم شێخ عەبدولسەلام بارزانی، سەرەخۆشی لێکرد.
مەزڵووم عەبدی، راوێژکاری سەرۆکایەتیی سووریا، دوێنێ یەکشەممە لە رێگەی تەلەفۆنەوە پەیوەندی بە سەرۆک مەسعود بارزانییەوە کرد و بۆ کۆچی دوایی عەبدولواحید ئیبراهیم شێخ عەبدولسەلام بارزانی، برا گەورەی بنەماڵەی بارزان سەرەخۆشی لێکرد.
رۆژی هەینی، 4ی ئەیلوولی 2026، عەبدولواحید ئیبراهیم شێخ عەبدولسەلام بارزانی بەهۆی نەخۆشییەوە کۆچی دوایی کرد.
سەرۆک بارزانی لە پەیامێکدا رایگەیاند: "بە دڵێکی پڕ لە پەژارە و رەزامەند بە قەدەری خوای گەورە رایدەگەیێنین کە برا گەورەی بنەماڵەکەمان، خوالێخۆشبوو عەبدولواحید ئیبراهیم شێخ عەبدولسەلام بارزانی ئەمڕۆ هەینی (4ی ئەیلوولی 2026) بەهۆی نەخۆشییەوە کۆچی دوایی کرد."
سەرۆک بارزانی لەبارەی کۆچکردووەوە رایگەیاند: "خوالێخۆشبوو، نەوەی رێبەری نیشتمانی و ئایینی، شێخ عەبدولسەلام بارزانی بوو؛ نموونەی دینداری، خوداپەرستی و چاکەخوازی بوو، لە هەمان کاتدا کەسایەتییەکی دیار و گەورەی ناو بنەماڵەکەمان بوو".
