کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کوردستان

هاکان فیدان لە ئامەدەوە: دەکرێ شارەکە ببێتە ناوەندێکی گرنگی ئابووری و بازرگانی

هێمن عەساف

هێمن عەساف

11-09-2026
گوێبگرە
0:00
0:00
قەبارەی دەق
هێمن عەساف
هێمن عەساف11-09-2026

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

رووداو دیجیتاڵ

وەزیری دەرەوەی تورکیا لە شاری ئامەدی باکووری کوردستانەوە رایگەیاند، لە رابردوودا نکۆڵی لە ناسنامەی کورد کراوە، بەڵام ئەو قۆناخە لە سەردەمی ئاکپارتیدا تێپەڕی؛ ئاماژەی بە پێگەی شارەکەش کرد و رایگەیاند، دەکرێ سەقامگیری وا بکات ئامەد ببێتە ناوەندێکی گرنگی ئابووری و بازرگانی.


رۆژی هەینی، 11ـی ئەیلوولی 2026، هاکان فیدان، وەزیری دەرەوەی تورکیا بە سەرۆکایەتیی شاندێکی باڵای رێکخستنەکانی ئاکپارتی لەگەڵ پارێزگاری ئامەد، بەرپرسانی دیکەی خۆجێیی، پەرلەمانتاران و رێکخستنەکانی حیزبەکەی و هاونیشتمانییان لە ئامەد کۆبووەوە.

دوای کۆبوونەوەکان، هاکان فیدان لە کۆنفرانسێکی رۆژنامەڤانیدا تیشکی خستە سەر پێگەی مێژوویی، کولتووری و ئابووریی ئامەد و باسی لەوە کرد، رەجەب تەیب ئەردۆغان، سەرۆککۆماری تورکیا و سەرۆکی ئاکپارتی، بایەخێکی تایبەت بە ئامەد دەدات و گوتی، شارەکە بە درێژایی مێژوو لانکەی شارستانییەتە گرنگەکان بووە. 

هاکان فیدان رایگەیاند، لە 25 ساڵی رابردوودا چاکسازیی گرنگ لە تورکیادا کراون و ئەو سیاسەتانەی لەسەر بنەمای نکۆڵیکردن لە ناسنامەی کورد دامەزرابوون، نەهێڵدران.

سەبارەت بە خوێندن بە زمانی کوردیش، هاکان فیدان گوتی، لە ساڵی 2013ـەوە هەنگاوی گرنگ لەم چوارچێوەیەدا نراون.

وەزیری دەرەوەی تورکیا رایگەیاند، ئامەد خاوەنی توانایەکی ئابووریی گرنگە و بەهێزبوونی سەقامگیری لە ناوچەکەدا وا دەکات توانای ئابووریی شارەکە زیاتر بێت؛ ئاماژەی بە بەنداو و پڕۆژەکانی ئاودێریش لە پارێزگاکەی باکووری کوردستان کرد و رایگەیاند، بە تەواوبوونی وەبەرهێنانەکان لە ژێرخاندا بەرهەمی کشتوکاڵی و داهات زیاد دەکات؛ گوتیشی، "ئەمە نەوەک تەنیا سوودی بۆ ئابووریی ناوچەکە دەبێت، بەڵکو بۆ ئاسایشی خۆراکی تورکیاش گرنگ دەبێت."

وەزیری دەرەوەی تورکیا باسی لەوە کرد، پێویستە کێشەکان لە رێگەی دیالۆگەوەچارەسەر بکرێن و گوتی، دەبێت ئەو "تێگەیشتنی برایەتی"یەی لەژێر سەرکردایەتیی رەجەب تەیب ئەردۆغاندا خراوەتەڕوو بەهێزتر بکرێ و گوتی: "ئەگەر کێشەیەک هەبێت، وەک هەموو جیهان، پێویستە بە دیالۆگ چارەسەر بکرێ، نەوەک بە تووندوتیژی." 

سەبارەت بە پێشهاتە هەرێمییەکان، هاکان فیدان رایگەیاند، بەهێزبوونی سەقامگیری و ئارامی لە عێراق و سووریا کاریگەریی ئەرێنی لەسەر بازرگانی و وەبەرهێنانی ناوچەکە دەبێت. 

ئەم سەردانەی شاندە باڵاکەی رێکخستنەکانی ئاکپارتی لە کاتێکدایە، رۆژی 28ـی ئابی 2026 ئەنجوومەنی سەرکردایەتیی ئاکپارتی بڕیاری دا لەژێر ناوی "دیدارەکانی سەدەی تورکیا" دەست بە چالاکیی مەیدانی بکات، بۆ ئەوەی لەگەڵ هاووڵاتییاندا تاوتوێی پرۆسەی چارەسەری بکات. ئامانج لەم چالاکییانە بەدەستهێنانی پشتیوانی جەماوەرە بۆ پرۆسەی چارەسەری. 

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

پێشنیازەکان

ئەمەنەش ببینە