کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

وێنە: بڵند تاهیر- ئەرشیف

وێنە: بڵند تاهیر- ئەرشیف

کوردستان

فراکسیۆنی هاوپەیمانیی دۆسیەی ئێزدییەکان: تێکەڵکردنی هێزەکانی یەبەشە بە دەوڵەت رێککەوتنێکی مێژووییە

گەشاو خالید

گەشاو خالید

12-09-2026
گوێبگرە
0:00
0:00
قەبارەی دەق
گەشاو خالید
گەشاو خالید12-09-2026

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

رووداو دیجیتاڵ

حکومەتی عێراق دەڵێ، لەگەڵ یەکینەکانی بەرخودانی شنگال (یەبەشە) رێککەوتوون بۆ رادەستکردنی چەک بە دەوڵەت و تێکەڵکردنی چەکدارانی ئەو هێزە لەنێو دەزگا ئەمنییە فەرمییەکان. سەرۆکی فراکسیۆنی هاوپەیمانیی دۆسیەی ئێزدییش دەڵێت: "لاپەڕەیەکی گرنگمان هەڵدایەوە".


موراد ئیسماعیل، سەرۆکی فراکسیۆنی هاوپەیمانیی دۆسیەی ئێزدی لە پەرلەمانی عێراق، رۆژی شەممە (12ـی ئەیلوولی 2026) بە رووداوی راگەیاند:"ئەمە رێککەوتنێکی مێژووییە بۆ تێکەڵکردنی هێزەکانی بەرخودانی ئێزدی لەنێو هێزە ئەمنییە فەرمییەکان و سنووردارکردنی چەک تەنیا لە دەستی دەوڵەت. بەم هەنگاوە لاپەڕەیەکی گرنگ هەڵدەدرێتەوە کە تێیدا مافەکانی گەلەکەمان لە چوارچێوەی یاسا و دەستووردا دەپارێزرێت."

موراد ئیسماعیل سوپاسی سەرۆکوەزیرانی عێراقی کرد بۆ تێگەیشتنی لە "تایبەتمەندیی دۆسیەی ئێزدی" و ئەو ستەم و جینۆسایدەی لەلایەن داعشەوە کرا، راشیگەیاند، ئەم رێککەوتنە دەرفەت دەداتە چەکدارەکان تاوەکو لەگەڵ براکانیان لە هێزە ئەمنییەکان یەکبگرن بۆ پاراستنی هەموو بستێکی خاکی عێراق.

بەگوێرەی رێککەوتنەکە، حکومەتی عێراق مافی کارمەندانی یەکینەکانی بەرخودانی شنگال (یەبەشە) و یەکینەکانی ژنانی شنگال (یەژەشە) دەستەبەردەکات و ئەو کەسانەی مەرجە یاساییەکانیان تێدایە، لەنێو دەزگا ئەمنییە فەرمییەکاندا دادەمەزرێندرێن.

رۆژی هەینی (11ـی ئەیلوولی2026)، عەلی فالح زەیدی، سەرۆکوەزیران و فەرماندەی گشتیی هێزە چەکدارەکانی عێراق، پێشوازی لە شاندێکی هاوپەیمانیی دۆسیەی ئێزدی بە سەرۆکایەتیی پەرلەمانتار موراد ئیسماعیل و نوێنەرانی یەکینەکانی بەرخودانی شنگال (یەبەشە) کرد. لە دیدارەکەدا دۆخی قەزای شنگال، سەقامگیری، ئاوەدانکردنەوە و ئایندەی خەڵکی ناوچەکە تاوتوێ کران.

سەرۆکوەزیرانی عێراق رایگەیاند، هێزەکانی یەبەشە دەست بە رادەستکردنی چەکەکانیان بە دەوڵەت دەکەن و چیای شنگال بەتەواوی دەکەوێتە ژێر دەسەڵاتی حکومەتی فیدراڵی و دامەزراوە ئەمنی و کارگێڕییەکان. زەیدی گوتی: "کۆنترۆڵکردنی چەک تەنیا لە دەستی دەوڵەت و یەکخستنی بڕیاری ئەمنی، بنەمایەکی سەرەکییە بۆ پاراستنی خەڵکی قەزاکە و دەستەبەرکردنی سەقامگیرییان."

هەروەها سەرۆکوەزیرانی عێراق چەند بڕیارێکی دیکەی بۆ خزمەتی شنگال دەرکرد، لەوانە "دابینکردنی پشکی ئێزدییەکان لە پڕۆژەی دابەشکردنی یەک ملیۆن پارچە زەوی، پێکهێنانی لیژنەیەکی باڵا بۆ لێکۆڵینەوە لە دۆخی خزمەتگوزاری و ئەمنی، و رەخساندنی زەمینە بۆ گەڕانەوەی تەواوەتیی ئاوارەکان."

یەکینەکانی بەرخودانی شنگال و یەکینەکانی ژنانی شنگال هێزی چەکداریی کوردی ئێزدیین و دوای کۆمەڵکوژیی ساڵی 2014ی داعش لە شنگال، بە پشتیوانی و بیری نزیک لە پەکەکە پێکهێنران.

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

پێشنیازەکان

ئەمەنەش ببینە