رووداو دیجیتاڵ
ئەمڕۆ بە درۆنێک هێرش کرایە سەر بارەگایەکی حیزبی دیموکراتی کوردستانی ئێران (حدکا) لە سنووری پارێزگای هەولێر.
هێرشەکە بۆ سەر بارەگایەکی حیزبی دیموکراتی کوردستانی ئێران بووە لە گوندی ماویلیان لە سنووری قەزای رواندز لە ئیدارەی سەربەخۆی سۆران.
بەرپرسێکی باڵا و ئاگادار لە ئیدارەی سەربەخۆی سۆران، ئەمڕۆ 15ی ئەیلوولی 2026 بە تۆڕی میدیایی رووداوی گوت: "هێرشەکە کاژێر 03:30ی بەرەبەیانی ئەمڕۆ بووە، بارەگایەکی حدکای کردووەتە ئامانج و جگە لە زیانی ماددی، زیانی گیانی نەبووە".
دەزگای ئاسایشی هەرێم (سلێمانی) دوێنێ 14ی ئەیلوول رایگەیاند، لە بەرەبەیاندا بە پێنج مووشەک هێرش کراوەتە سەر سنووری پارێزگاکانی سلێمانی و هەڵەبجە و زیانی گیانییان نەبووە.
لە دەستپێکی جەنگی ئەمریکا و ئیسرائیل لەگەڵ ئێران لە 28ی شوباتەوە تاوەکو ئەمڕۆ 15ی ئەیلوولی 2026، هەرێمی کوردستان بە 1002 درۆن و مووشەک هێرشی کراوەتە سەر.
.png&w=3840&q=75)