کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

مەسرور بارزانی، سەرۆکی حکومەتی هەرێمی کوردستان

مەسرور بارزانی، سەرۆکی حکومەتی هەرێمی کوردستان

کوردستان

مەسرور بارزانی: رۆژانی نۆرەگرتنی درێژ بۆ مووچەی کاش کۆتایی هات

سۆلین حەمەدەمین

سۆلین حەمەدەمین

15-09-2026
گوێبگرە
0:00
0:00
قەبارەی دەق
سۆلین حەمەدەمین
سۆلین حەمەدەمین15-09-2026

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

رووداو دیجیتاڵ

مەسرور بارزانی، سەرۆکوەزیرانی هەرێمی کوردستان دەڵێ، ژمارەی ئەو مووچەخۆرانەی لە رێی پرۆژەی (هەژماری من)ـەوە مووچەکانیان بە شێوەی ئەلیکترۆنی وەردەگرن گەیشتە یەک ملیۆن کەس، بەوەش قۆناخی دابەشکردنی مووچە بە کاش و راوەستانی درێژخایەن کۆتایی هات.


رۆژی سێشەممە، 15ـی ئەیلوولی 2026، مەسرور بارزانی لە راگەیێندراوێکدا رایگەیاند: "سێ ساڵ لەمەوبەر، بەڵێنمان دا کە لە رێگەی دەستپێشخەریی (هەژماری من)ـەوە دابەشکردنی مووچەی مووچەخۆرانی هەرێمی کوردستان لە شێوازی نەختینەییەوە بگوازینەوە بۆ بانکە مۆڵەتپێدراوەکان. خۆشحاڵم رایدەگەیێنم کە ئەم هەفتەیە یەک ملیۆن هاووڵاتی کە لە لیستی مووچەی حکومەتی هەرێمدان، مووچەکانیان بە شێوەی ئەلیکترۆنی و لە رێی بانکە هاوبەشەکانەوە وەردەگرن کە مۆڵەتپێدراوی بانکی ناوەندیی عێراقن."

مەسرور بارزانی دەستپێشخەریی (هەژماری من)ی وەک بنەمایەکی گرنگ بۆ فراوانکردنی گشتگیریی دارایی ناوبرد و دەڵێ، ئەم پڕۆژەیە "دەستڕاگەیشتن بە قەرز و خزمەتگوزارییە بانکییە مۆدێرنەکان بۆ هاووڵاتییان ئاسان دەکات؛ لە هەمان کاتیشدا ئاسانکاری بۆ حکومەت دەکات تاوەکو پارەدانی ئەلیکترۆنی بۆ خزمەتگوزارییە گشتییەکان بەردەست بکات."

سەبارەت بە کاریگەرییەکانی پڕۆژەکە لەسەر ژیانی مووچەخۆران، سەرۆکوەزیران ئاماژەی بەوە کردووە کە ئەم هەنگاوە گۆڕانکارییەکی ئەرێنی لە ژیانی یەک ملیۆن هاووڵاتیدا دروستکردووە، سەربەخۆیی دارایی پێبەخشیون و کۆنترۆڵی دارایی داوەتەوە دەست خۆیان، لە کاتێکدا ئێستا دەستیان بە تۆڕێکی فراوانی ئامێرەکانی راکێشانی پارە (ATM) لە سەرانسەری هەرێمی کوردستاندا دەگات کە بەردەوام لە گەشەکردندایە.

مەسرور بارزانی لە بەشێکی دیکەی پەیامەکەیدا راشیگەیاند: "رۆژانی راوەستانی زۆری هاووڵاتییان لەبەردەم باڵەخانە حکومییەکان و نۆرەی درێژ و چاوەڕوانی بۆ وەرگرتنی پارەی کاش کۆتایی هات."

سەرۆکی حکومەتی هەرێمی کوردستان سوپاسی هاووڵاتییانی کرد بۆ پشوودرێژییان، هەروەها دەستخۆشی لە بانکە هاوبەشەکان کرد بۆ پشتگیری و وەبەرهێنانیان لە سێ ساڵی رابردوودا، هاوکات سوپاسی تیمی پڕۆژەی (هەژماری من)یشی کرد بۆ بەجێگەیاندنی ئەم پرۆژە نیشتمانییە.

 پڕۆژەی (هەژماری من) لە ساڵی 2023 لەلایەن مەسرور بارزانی، سەرۆکی حکومەتی هەرێمی کوردستانەوە راگەیێندرا، بە ئامانجی مۆدێرنکردنی خزمەتگوزارییە بانکییەکان و رێکخستنەوەی سیستمی دارایی لە هەرێمی کوردستان.

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

پێشنیازەکان

ئەمەنەش ببینە