رووداو دیجیتاڵ
سەرۆکی حکومەتی هەرێمی کوردستان لەگەڵ باڵیۆزی تایلاند لە ئوردن و عێراق کۆبووەوە و گفتوگۆ و تاوتوێی چەند پرسێکیان کرد.
ئەمڕۆ چوارشەممە 16ی ئەیلوولی 2026 مەسرور بارزانی، سەرۆکی حکومەتی هەرێمی کوردستان پێشوازیی لە جیراپۆن جیرامپایکوول، باڵیۆزی شانشینی تایلاند لە ئوردن و عێراق کرد.
بەپێی راگەیێندراوی حکومەتی هەرێمی کوردستان، "لە دیدارەکەدا جەخت لە گرنگی پەرەپێدانی پەیوەندییەکانی هەرێمی کوردستان و شانشینی تایلاند لە بوارە جۆراوجۆرەکاندا، بەتایبەتی ئاڵوگۆڕی بازرگانی، کراوەتەوە."
وەکو لە راگەیێندراوەکەدا هاتووە، لە بەشێکی دیکەی گفتوگۆکاندا، بارودۆخی هاووڵاتییانی تایلەندی نیشتەجێی هەرێمی کوردستان تاوتوێ کراوە.
