رووداو دیجیتاڵ
عەلی زەیدی، سەرۆکوەزیرانی عێراق لەبارەی یەکگرتنەوەی پێشمەرگە راگەیێندراوێکی بڵاوکردەوە. پیرۆزبایی لە گەلی کوردستان و پێشمەرگە دەکات و دەڵێت، هەنگاوێکی گرنگە بۆ چەسپاندنی ئاسایشی نیشتمانی.
عەلی زەیدی دەڵێت، یەکگرتنەوەی پێشمەرگە لەژێر چەتری وەزارەتی پێشمەرگە، دەبێتە هۆی بەهێزکردنی ئاسایشی نیشتمانی و چەسپاندنی کاری دامەزراوەیی.
دەقی پەیامەکەی عەلی زەیدی:
پیرۆزبایی لە رۆڵەکانی گەلەکەمان لە هەرێمی کوردستانی عێراق و پاڵەوانانی پێشمەرگە دەکەین، بەبۆنەی تەواوبوونی یەکخستنەوەی پێکهاتەکانیان لەژێر چەتری وەزارەتی کاروباری پێشمەرگەدا، بەشێوەیەک کە ببێتە هۆی بەهێزکردنی ئاسایشی نیشتمانی و چەسپاندنی کاری دامەزراوەیی.
یەکخستنەوەی هێزە ئەمنی و سەربازییەکان لە چوارچێوەیەکی دەستووری و یاساییدا و بەهێزکردنی هەماهەنگیی نێوان سەرجەم هێزە چەکدارەکانی عێراق و پێکهاتەکانی، هەنگاوێکی گرنگە بۆ چەسپاندنی ئاسایشی نیشتمانیمان و یەکگرتوویی بڕیاری بەرگریمان.
نوێدەکرێتەوە..
