رووداو دیجیتاڵ
سەرۆکی هەرێمی کوردستان پیرۆزبایی جەژنی جەما لە ئێزدییەکانی کوردستان و جیهان دەکات و دەڵێت: "هیوادارم بە ئارامی بەڕێی بکەن".
نێچیرڤان بارزانی، سەرۆکی هەرێمی کوردستان ئەمڕۆ سێشەممە پیرۆزبایی جەژنی "جەما"ی لە ئێزدییەکان کرد و رایگەیاند، "جەژنی جەما لە تەواوی هاووڵاتییانی ئێزدی هەرێمی کوردستان، عێراق و جیهان پیرۆز دەکەم. هیوادارم جەژنێکی ئارام و تەبا بەسەرببەن و هەموو جەژن و بۆنەکانی داهاتوو بە خێر و خۆشی بگەڕێنەوە".
سەرۆکی هەرێمی کوردستان دەڵێت، "دیسان هەموو هاووڵاتییانی ئێزدیمان و تەواوی پێکهاتەکانی کوردستان دڵنیا دەکەینەوە کە وەک هەمیشە پشتیوان و پارێزەری ماف و داواکارییەکانیان دەبین و هەرێمی کوردستان بۆ هەموو پێکهاتەکان هەر بە نیشتمان و وڵاتی پێکەوەژیانی ئاشتییانە دەمێنێتەوە".
