رووداو دیجیتاڵ
سەرۆکی هەرێمی کوردستان لە هەولێر پێشوازی لە محەممەد شیاع سوودانی، سەرۆکوەزیرانی پێشووی عێراق کرد و هەردوولا جەختیان لە بەردەوامیی گفتوگۆی نێوان لایەنەکان بۆ چارەسەرکردنی کێشەکان کردەوە.
پاشنیوەڕۆی رۆژی دووشەممە (12-10-2026)، نێچیرڤان بارزانی، سەرۆکی هەرێمی کوردستان، پێشوازی لە محەممەد شیاع سوودانی، سەرۆکی هاوپەیمانیی ئاوەدانکردنەوە و گەشەپێدان و سەرۆکوەزیرانی پێشووی عێراق کرد.
بەپێی راگەیێندراوێکی سەرۆکایەتیی هەرێمی کوردستان، لە دیدارەکەدا "بارودۆخی سیاسی و ئەمنیی عێراق، دوا پێشهاتەکانی ناوچەکە و پەیوەندییەکانی نێوان هەولێر و بەغدا" تاوتوێ کراون.
لە بەشێکی دیکەی راگەیێندراوەکەدا هاتووە، نێچیرڤان بارزانی و محەممەد شیاع سوودانی جەختیان لە "گرنگیی بەردەوامیی گفتوگۆ و لێکگەیشتنی نێوان لایەنە سیاسییەکان کردەوە، لەپێناو پاراستنی سەقامگیری، پەرەپێدانی ئابووری و خزمەتکردنی هاووڵاتییان."
هاوکات، پرسی پێویستیی هەماهەنگی و کاری هاوبەشی نێوان هێز و لایەنە عێراقییەکان بۆ ڕووبەڕووبوونەوەی ئاڵنگارییەکانی قۆناخەکە، تەوەرێکی دیکەی گفتوگۆکانی نێوان سەرۆکی هەرێمی کوردستان و سەرۆکوەزیرانی پێشووی عێراق بوو.
.jpg&w=3840&q=75)
