بەهۆی شەڕی دوو ماڵباتەوە لە ناحیەی گردەسێن ماڵێک سووتا و کەسێک بریندار بوو

شەڕەکە لەنێوان دوو ماڵباتدا لە سەنتەری ناحیەی گردەسێن روویدا. ئەحمەد سلێمان، بەڕێوەبەری ناحیەکە بە تۆڕی میدیایی رووداوی گوت، "دۆخەکە کۆنترۆڵ کراوە."

بەهۆی شەڕی نێوان ئەو دوو ماڵباتەوە، کە چەکی تێدا بەکارهێندراوە، خانووی کەسێک سووتا و کەسێکیش بریندار بوو، کە بەگوێرەی زانیارییەکانی پەیامنێری رووداو، برینەکەی سووکە.

پۆلیسی ناحیەکە لێکۆڵینەوە لە رووداوەکەی ئەمشەو دەکات.