رووداو دیجیتاڵ
کەشناسیی هەرێمی کوردستان رایگەیاند، سبەی بەراورد بە سەرەتای هەفتە پلەی گەرما زیاتر لە پێنج پلەی سیلیزی دادەبەزێت و لە زۆرینەی هەرێمی کوردستان دێتە خوار 40 پلەی سیلیزی.
کەشناسیی هەرێمی کوردستان، ئەمڕۆ یەکشەممە 16-08-2026 رایگەیاند، بەراورد بە دوێنێ، ئەمڕۆ پلەی گەرما یەک بۆ سێ پلەی سیلیزی دادەبەزێت. هەروەها سبەی بەراورد بە ئەمڕۆ یەک بۆ سێ پلەی دیکە دادەبەزێت.
د. لوقمان موفتی، شارەزای کەشناسی، ئەمڕۆ یەکشەممە بە تۆڕی میدیایی رووداوی گوت: "لە سێ شەوی داهاتوو هەست بە کەمێک فێنکی دەکرێ، بۆ نموونە شەوانی هەولێر پلەی گەرما دەبێتە نزیک 23 پلەی سیلیزی".
موفتی گوتی، کۆتایی ئەم هەفتەیە پێشبینی دەکرێ پلەی گەرما بەشێوەیەکی ئاسایی بەرزبێتەوە بۆ زیاتر لە 40 پلەی سیلیزی.
بەگوێرەی کەشناسی، پلەی گەرما سبەی لە باشووری کوردستان بەمشێوەیە دەبێت:
هەولێر: 38 پلەی سیلیزی
پیرمام: 36 پلەی سیلیزی
سلێمانی: 37 پلەی سیلیزی
دهۆک: 36 پلەی سیلیزی
هەڵەبجە:38 پلەی سیلیزی
کەرکووک: 42 پلەی سیلیزی
چەمچەماڵ: 39 پلەی سیلیزی
زاخۆ: 38 پلەی سیلیزی
ئاکرێ:38 پلەی سیلیزی
گەرمیان: 42 پلەی سیلیزی
حاجی ئۆمەران: 26 پلەی سیلیزی
