کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

رووداو

رووداو

هەواڵە ناوخۆییەکان

لە دارەشەکران جووتیاران پێنج ساڵە کرێی زەوییەکانیان وەرنەگرتووە

محەممەد رەحیم کەریم

محەممەد رەحیم کەریم

24-08-2026
گوێبگرە
0:00
0:00
قەبارەی دەق
محەممەد رەحیم کەریم
محەممەد رەحیم کەریم24-08-2026

بابەتی پەیوەندیدار

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ
هەواڵە ناوخۆییەکان18-11-2026

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ
هەواڵە ناوخۆییەکان18-11-2026

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ
هەواڵە ناوخۆییەکان18-11-2026

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ

رووداو دیجیتاڵ

جووتیارانی چەند گوندێکی سنووری ناحیەی دارەشەکران دەڵێن، لە ساڵی 2021ـەوە کرێی ساڵانەی زەوییەکانیان لەلایەن کۆمپانیا نەوتییەکانەوە پێنەدراوە. بەڕێوەبەری ناحیەکەش دەڵێت، ئەوان نووسراویان بۆ پارێزگا و وەزارەتی سامانە سروشتییەکان کردووە و "ئێستا بڕیارەکە لە دەستی وەزارەتدایە."

دانیشتووانی گوندەکانی مەنداوا و چڕا لە سنووری ناحیەی دارەشەکران لە قەزای پیرمام، دەڵێن، سەرەڕای ئەوەی هەناردەی نەوت راگیراوە، بەڵام ئامێر و کەمپی کۆمپانیاکان هێشتا لەسەر زەوییەکانیان ماونەتەوە و رێگرییان لێدەکەن وەک زەوییەکی کشتوکاڵی سوودی لێببینن.

عەزیز ئەبوبەکر، هاونیشتمانییەکی گوندی مەنداوایە و خاوەنی 22 دۆنم زەوییە کە پێشتر کۆمپانیاکانی وەک "شێڤرۆن" و "گەنەڵ ئینێرجی" کەمپیان لەسەر دروستکردووە. ئەو بە رادیۆی رووداوی راگەیاند: "لەوکاتەی هەناردەی نەوت راگیرا، کۆمپانیاکان دۆسیەکانیان رادەستی وەزارەتی سامانە سروشتییەکان کردەوە و چیدی کرێیان پێنەداوین."

ئەو جووتیارە دەڵێت، پێشتر ساڵانە حەوت ملیۆن دیناری وەک کرێ و قەرەبوو وەرگرتووە، بەڵام ئێستا نە پارەکەی هەیە و نە دەشتوانێت زەوییەکەی بکێڵێت، چونکە کابینەکان هێشتا لەسەر زەوییەکەی ماونەتەوە.

هەروەها شەوکەت یوسف ئەحمەد، موختاری گوندی چڕا دەڵێت، تەنیا لە گوندەکەی ئەواندا 30 جووتیار هەمان کێشەیان هەیە و نزیکەی 120 دۆنم زەوی بەهۆی پرۆژە نەوتییەکانەوە پەکخراوە. موختاری گوندەکە دەڵێت: "لە ساڵی 2022ـەوە هیچمان وەرنەگرتووە، زۆربەی ئەم زەوییانە وەرەسەن و چەندین خێزان بژێوییان لەسەر بوو، بەڵام ئێستا نە پارەمان هەیە و نە زەوی."

سەبارەت بە هەوڵەکانی ئیدارەی ناوچەکە بۆ چارەسەری کێشەکە، کامەران حەسەن، بەڕێوەبەری ناحیەی دارەشەکران بە رادیۆی رووداوی راگەیاند، ئەوان سکاڵای جووتیارانیان بەفەرمی بەرزکردووەتەوە و گوتی: "نووسراومان بۆ پارێزگا و وەزارەتی سامانە سروشتییەکان کردووە، ئەوان بڕیاردەدەن کەی پارەکە خەرجدەکەن."

بەڕێوەبەری ناحیەی دارەشەکران جەختی لەوەشکردەوە کە داواکاریی جووتیاران یاساییە، چونکە زەوییەکانیان کشتوکاڵی بوون و بەهۆی پرۆژە نەوتییەکانەوە خاوەنەکانیان زەرەرمەند بوون، بۆیە دەبێت بەپێی یاسا قەرەبوو بکرێنەوە.

بەپێی گوتەی جووتیاران، کاتێک سەردانی وەزارەتی سامانە سروشتییەکانیان کردووە، پێیانگوتراوە کە "پارە نییە و دەبێت چاوەڕێبکەن."

بابەتی پەیوەندیدار

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ
هەواڵە ناوخۆییەکان18-11-2026

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ
هەواڵە ناوخۆییەکان18-11-2026

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ
هەواڵە ناوخۆییەکان18-11-2026

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ

پێشنیازەکان

ئەمەنەش ببینە