کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

سەرەی بەنزین. وێنە: بڵند تاهیر-رووداو

سەرەی بەنزین. وێنە: بڵند تاهیر-رووداو

هەواڵە ناوخۆییەکان

لە سۆران شۆفێرانی پیکاب داوای "بەنزینی رۆژانە" دەکەن

محەممەد رەحیم کەریم

محەممەد رەحیم کەریم

27-08-2026
گوێبگرە
0:00
0:00
قەبارەی دەق
محەممەد رەحیم کەریم
محەممەد رەحیم کەریم27-08-2026

بابەتی پەیوەندیدار

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ
هەواڵە ناوخۆییەکان18-11-2026

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ
هەواڵە ناوخۆییەکان18-11-2026

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ
هەواڵە ناوخۆییەکان18-11-2026

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ

رووداو دیجیتاڵ

شۆفێرانی گواستنەوەی بەرهەمە کشتوکاڵییەکان لە سنووری سۆران دەڵێن، بەهۆی کەمیی بەشەبەنزینی حکومییەوە، ناتوانن بەرهەمی جووتیاران بگوازنەوە بۆ بازاڕەکان. بەڕێوەبەری نەوت و کانزاکانی سۆرانیش رایدەگەیێنێت، رێنماییەکانی ئەنجوومەنی وەزیران رێگە نادات جیاکاری لە نێوان چین و توێژەکاندا بکەن.

رابەر دڵشاد، نوێنەری شۆفێرانی پیکاب لە سنووری سۆران و سیدەکان، بە رادیۆی رووداوی راگەیاند، نزیکەی 400 شۆفێری پیکاب کە ئەرکی گواستنەوەی بەرهەمی دەڤەری برادۆست و باڵەکایەتییان لەسەرە، بەدەست کەمیی سووتەمەنییەوە دەناڵێنن. ئەو دەڵێت: "بۆ هەر گەشتێک بەرەو هەولێر، پێویستمان بە 70 لیتر بەنزینە، بەڵام حکومەت 96 کاژێر جارێک تەنیا 40 لیترمان پێدەدات."

ئەو شۆفێرە هۆشداری دەدات کە بەهۆی ئەم قەیرانەوە، زۆرجار بەرهەمی جووتیاران لەبەر گەرما خراپ دەبێت و ناتوانن بیگوازنەوە، چونکە کرێی گواستنەوەکە هێندە نییە بتوانن بەنزین بە نرخی بازاڕی ئازاد (لیتری بە 1800 دینار) بکڕن.

ئەمیر شانەدەری، بەڕێوەبەری نەوت و کانزاکانی ئیدارەی سەربەخۆی سۆران، بە رادیۆی رووداوی راگەیاند، رۆژانە نزیکەی 250 هەزار لیتر بەنزینی 750 دیناری بۆ سنوورەکە دابین دەکرێت.

بەڕێوەبەری نەوت و کانزاکان گوتی: "تەنیا شۆفێرانی پیکاب نین، بەڵکو فەرمانبەران و کارمەندانی تەندروستییش هەمان داواکارییان هەیە. ئەگەر بمانەوێت تایبەتمەندی بە شۆفێرانی پیکاب بدەین، دەبێت بەشەبەنزینی خەڵکی دیکە کەم بکەینەوە، ئەوەش کێشە دروست دەکات."

ئەمیر شانەدەری ئاماژەی بەوەش کرد، کە رێنماییەکی فەرمیی ئەنجوومەنی وەزیرانیان لەبەردەستە کە جەختدەکاتەوە نابێت جیاکاری لە نێوان چینەکاندا بکرێت. هەروەها باسی لەوە کرد کە نەبوونی داتایەکی ورد لەسەر شۆفێرەکان کێشەکەی ئاڵۆزتر کردووە و گوتی: "زۆرجار 100 شۆفێر کار دەکەن، بەڵام 500 کەس دێن بۆ وەرگرتنی بەنزین ناوی خۆیان دەنووسن."

شۆفێرانی ناوچەکە جەختدەکەنەوە کە رۆژانە نزیکەی 200 تۆن بەرهەمی کشتوکاڵی بەو پیکابانە دەگوازرێتەوە و داوا دەکەن وەزارەتی سامانە سروشتییەکان بەشە بەنزینەکەیان بۆ بکاتە رۆژانە، بۆ ئەوەی رێگری لە زیانگەیاندن بە جووتیاران و بەرهەمی ناوخۆیی بگیرێت.

بابەتی پەیوەندیدار

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ
هەواڵە ناوخۆییەکان18-11-2026

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ
هەواڵە ناوخۆییەکان18-11-2026

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ
هەواڵە ناوخۆییەکان18-11-2026

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ

پێشنیازەکان

ئەمەنەش ببینە