کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

باڵەخانەی وەزارەتی خوێندنی باڵا. وێنە: بڵند تاهیر - رووداو

باڵەخانەی وەزارەتی خوێندنی باڵا. وێنە: بڵند تاهیر - رووداو

هەواڵە ناوخۆییەکان

وەزارەتی خوێندنی باڵا ساڵنامەی خوێندنی ساڵی 2026–2027ـی زانکۆ و پەیمانگەکانی دیاری کرد

سیامەند کەریم

سیامەند کەریم

30-08-2026
گوێبگرە
0:00
0:00
قەبارەی دەق
سیامەند کەریم
سیامەند کەریم30-08-2026

بابەتی پەیوەندیدار

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ
هەواڵە ناوخۆییەکان18-11-2026

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ
هەواڵە ناوخۆییەکان18-11-2026

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ
هەواڵە ناوخۆییەکان18-11-2026

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ

رووداو دیجیتاڵ

وەزارەتی خوێندنی باڵا و توێژینەوەی زانستیی هەرێمی کوردستان ساڵنامەی خوێندنی زانکۆ، کۆلێژ و پەیمانگە حکومی و تایبەتەکانی بۆ ساڵی خوێندنی 2026–2027 دیاری کرد و ژمارەیەک رێنمایی بۆ رێکخستنی ماوەی خوێندن، پشوو و تاقیکردنەوەکان دیاری کرد.


لە نووسراوەکەدا کە بۆ سەرۆکایەتیی زانکۆ و پەیمانگەکان نێردراوە، ئاماژە بە رێنماییە پەیوەندیدارەکان و بڕیارەکانی وەزارەت کراوە و داوا لە دامەزراوەکان کراوە، ساڵنامەی خوێندنی ساڵی 2026–2027 بەپێی ئەو رێنماییانە جێبەجێ بکەن.

بەپێی نووسراوەکە، ساڵی خوێندنی 2026–2027 لە 1ـی ئەیلوولی 2026 دەستپێدەکات و لە 30ـی حوزەیرانی 2027 کۆتایی دێت.

ماوەی خوێندن بۆ سیستمی ساڵانە و وەرزی

وەزارەت روونی کردووەتەوە کە لەو زانکۆ، کۆلێژ و پەیمانگەیانەی سیستمی خوێندنی ساڵانە یان وەرزییان هەیە، بۆ سیستمی ساڵانە دەبێت ماوەی خوێندن کەمتر لە 30 هەفتە نەبێت.

هەروەها بۆ سیستمی خوێندنی وەرزی، ماوەی خوێندنی هەر وەرزێک نابێت لە 15 هەفتە کەمتر بێت؛ ئەم ماوەیەش رۆژانی تاقیکردنەوە و پشووەکان ناگرێتەوە.

وەزارەت جەختی کردووەتەوە کە دەبێت ماوەی پشوو و تاقیکردنەوەکان لە ماوەی پێویستی پرۆسەی خوێندن جیا بکرێتەوە و ساڵنامەکە بە شێوەیەک دابڕێژرێت کە پرۆسەی خوێندن بە تەواوی جێبەجێ بکرێت.

بۆ سیستمی خوێندنی وەرزی

لە نووسراوەکەدا هاتووە کە لەو زانکۆ، کۆلێژ و پەیمانگەیانەی سیستمی خوێندنی وەرزی بەڕێوەدەبەن، هەر وەرزێک نابێت لە 20 هەفتە کەمتر بێت، کە لەوانەیە بەشێک لەو ماوەیە بۆ پرۆسەی خوێندن و بەشێکی دیکە بۆ تاقیکردنەوە و تەواوکردنی کارە خوێندنییەکان تەرخان بکرێت.

سیستمی سێ وەرزی

وەزارەت بۆ ئەو زانکۆ و کۆلێژ و پەیمانگەیانەی سیستمی سێ وەرزییان هەیەش رێنمایی دیاری کردووە.

بەپێی نووسراوەکە، دەبێت ماوەی هەر وەرزێک لانیکەم 13 هەفتە بێت، کە لەو ماوەیەدا 10 هەفتە بۆ پرۆسەی خوێندن تەرخان دەکرێت و هەفتەکانی دیکە بۆ تاقیکردنەوە و تەواوکردنی پرۆسەی خوێندن بەکاربهێندرێت.

تاقیکردنەوەی کۆتایی بۆ قۆناخی یەکەم

هەروەها وەزارەت رایگەیاندووە کە بۆ قۆناخی یەکەم، لە ساڵنامەی خوێندنی ساڵی 2026–2027ـدا تەنیا دوو هەفتەی کۆتایی بۆ تاقیکردنەوەکان تەرخان بکرێت.

وەزارەتی خوێندنی باڵا و توێژینەوەی زانستی داوای لە سەرۆکایەتیی زانکۆ و پەیمانگەکان کردووە پابەندی ئەم رێنماییانە بن و ساڵنامەی خوێندنی دامەزراوەکانیان لەسەر ئەم بنەمایانە رێکبخەن.

دەقی بڕیارەکە

بابەتی پەیوەندیدار

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ
هەواڵە ناوخۆییەکان18-11-2026

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ
هەواڵە ناوخۆییەکان18-11-2026

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ
هەواڵە ناوخۆییەکان18-11-2026

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ

پێشنیازەکان

ئەمەنەش ببینە