رووداو دیجیتاڵ
نیوەڕۆی ئەمڕۆ لە قەزای کەلار لە سنووری ئیدارەی گەرمیان لە پارێزگای سلێمانی، ژنێکی تەمەن 22 ساڵ لە کاتی هەڵخستنی جلوبەرگ دا لە ماڵەکەی خۆیان، بە تەزووی کارەبا گیانی لەدەستدا.
رەفیق قادر، بەڕێوەبەری نەخۆشخانەی فریاکەوتنی شەهید هەژار لە کەلار بە تۆڕی میدیایی رووداوی راگەیاند: "نیوەڕۆی ئەمڕۆ لە گەڕەکی سیروانی قەزای کەلار، ژنێکی تەمەن 22 ساڵ بە تەزووی کارەبا گیانی لەدەستدا و تەرمەکەی هێنرایە نەخۆشخانەکەمان."
بەڕێوەبەری نەخۆشخانەی فریاکەوتنی شەهید هەژار ئاماژەی بەوەش کرد، بە گوتەی کەسوکارەکەی، رووداوەکە لە کاتێکدا بووە کە ئەو ژنە خەریکی هەڵخستنی جل بووە، لەو کاتەدا تەزووی کارەبا گرتوویەتی و بەهۆیەوە گیانی لەدەست داوە.
