رووداو دیجیتاڵ
بەڕێوەبەرایەتیی هاتووچۆی ئیدارەی گەرمیان رایدەگەیێنێت، لە هەفتەی داهاتووەوە پرۆسەی پێشکێشکردنی فۆرمی مۆڵەتی شۆفێریی ماتۆڕسکیل بۆ هاووڵاتییان دەستپێدەکات.
سامان عەلی، گوتەبێژی هاتووچۆی گەرمیان بە تۆڕی میدیایی رووداوی راگەیاند، ئەو هاووڵاتییانەی خوازیارن مۆڵەتی شۆفێریی ماتۆڕسکیل بەدەستبهێنن، دەتوانن لە رۆژی یەکشەممە 04-10-2026ـەوە، سەردانی نووسینگەکانی تایبەتمەند بە فێرکردنی شۆفێری بکەن.
بە گوتەی گوتەبێژی هاتووچۆی گەرمیان، خوازیاران لە رێگەی ئەو نووسینگانەوە فۆرمی داواکاری پڕدەکەنەوە، رێکارە یاسایی و کارگێڕییە پێویستەکان بۆ بەشداریکردن لە خولی بەدەستهێنانی مۆڵەتی شۆفێریی ماتۆڕسکیل ئەنجام دەدەن.
