رووداو دیجیتاڵ
بەرپرسی پەیوەندییەکانی سازمانی خەبات لە هەولێر رایگەیاند، بە دوو درۆن هێرش کراوەتە سەر بارەگایەکمان لە ناحیەی رزگاریی هەولێر.
ئەمڕۆ پێنجشەممە، شۆڕش حاجی بە تۆڕی میدیایی رووداوی گوت، هێرشەکە بە دوو درۆن کراوە و زیانی گیانیی نەبووە، بەڵام زیانی مادی بە بارەگاکە و چواردەوری گەیاندووە.
هێرشەکە کاژێر 10:10ی ئەمشەو کراوە. بەرپرسی پەیوەندییەکانی سازمانی خەبات لە هەولێر گوتی، پێشتر بارەگاکەمان چۆڵکردووە، بۆیە زیانی گیانیی نەبووە.
ناحیەی رزگاری (تۆپزاوا) سەر بە قەزای خەباتە لە سنووری پارێزگای هەولێر.
دژەتیرۆری کوردستان لە راگەیێندراوێکدا لە بارەی هێرشە درۆنییەکەوە دەڵێت ئەمشەو پێنجشەممە 8ی تشرینی یەکەمی 2026، کاتژمێر: 22:19، لە ڕێگەی دوو درۆنی بۆمبڕێژکراو هێرش کرایە سەر کەمپی ئاوارەکانی ڕۆژهەڵات لە کەورگۆسکی سەر بە قەزای خەباتی پارێزگای هەولێر، "خۆشبەختانە هیچ زیانێکی گیانییان لێ نەکەوتەوە".
