کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

نەخۆشخانەی شەهید د. خالید لە قەزای کۆیە

نەخۆشخانەی شەهید د. خالید لە قەزای کۆیە

هەواڵە ناوخۆییەکان

پەرلەمانتارێک دەڵێ رێگریی دەکرێت لە هێنانی ئامێری پزیشکی بۆ کۆیە

سۆلین حەمەدەمین

سۆلین حەمەدەمین

26-10-2026
گوێبگرە
0:00
0:00
قەبارەی دەق
سۆلین حەمەدەمین
سۆلین حەمەدەمین26-10-2026

بابەتی پەیوەندیدار

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ
هەواڵە ناوخۆییەکان18-11-2026

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ
هەواڵە ناوخۆییەکان18-11-2026

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ
هەواڵە ناوخۆییەکان18-11-2026

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ

رووداو دیجیتاڵ

ئەندامێکی پەرلەمانی عێراق ئاماژە بەوە دەکات، "بە هۆکاری سیاسی" رێگری دەکرێت لە هێنانی سێ ئامێری پزیشکی لە بەغداوە بۆ نەخۆشخانەکانی کۆیە و رایگەیاند، بابەتەکە دەباتە بەردەم سەرۆکوەزیرانی عێراق. لە بەرامبەردا بەڕێوەبەرایەتیی گشتیی تەندروستیی کۆیە دەڵێ، تاوەکو ئێستا رێگرییان لە هیچ هاوکارییەک نەکردووە و سوپاسی ئەو کەسانەش دەکەن کە هاوکارییان دەکات.

رۆژی یەکشەممە، 25ـی تشرینی یەکەمی 2026، ئاڤێستا یەحیا، ئەندامی پەرلەمانی عێراق لە فراکسیۆنی پارتی دیموکراتی کوردستان بە تۆڕی میدیایی رووداوی راگەیاند: "لە مانگی ئەیلوولی رابردوودا داوای دابینکردنی سێ ئامێری تەندروستیم کردبوو بۆ قەزای کۆیە، کە بریتی بوون لە ئامێری سیپی، لێزەری شکاندنی بەردی گورچیلە و ئامێری پشکنینی رێژەی ئۆکسجین لە خوێندا؛ رەزامەندیی فەرمیی عێراقیشم بۆ وەرگرتن و تەنیا رێکارەکانی گواستنەوەیان مابوو، بەڵام وا دیارە لایەنە سیاسییەکان لە عێراقەوە بڕیارەکەیان هەڵوەشاندووەتەوە."

ئەو پەرلەمانتارەی عێراق باسی لەوە کرد، رێگریکردنەکە "بە هۆکاری سیاسییە و ناهێڵن بەدەم کێشەکانی کۆیەوە بچین و خزمەتی خەڵکەکە بکەین بەو بیانووەی داواکارییەکەیان رەتکردووەتەوە کە بەشی تەندروستیی کۆیە لەسەر پشکی هەرێمی کوردستانە". 

ئاڤێستا یەحیا دەشڵێت: "من بەردەوام دەبم و دەستبەردار نابم، دووبارە نووسراو دەکەمەوە و ئەمجارە بابەتەکە دەگەیێنمە عەلی زەیدی، سەرۆکوەزیرانی عێراق تاوەکو ئەو ئامێرانە بۆ شاری کۆیە دابین بکات."

لە بەرامبەردا، هاوکار عەلی، گوتەبێژی بەڕێوەبەرایەتیی گشتیی تەندروستیی کۆیە بە رووداوی گوت: "تاوەکو ئەمڕۆ هەر کەس، رێکخراوێک و لایەنێک ویستبێتی هاوکاریمان بکات هەرگیز رەتمان نەکردووەتەوە، بەڵکو پێشوازیمان لێ کردووە؛ پێشتریش چەندین رێکخراو و کەسایەتی هاوکاریی کەرتی تەندروستیی کۆیەیان کردووە و سوپاس و پێزانینمان بۆ هەبووە."

گوتەبێژی تەندروستیی کۆیە گوتیشی: "ئێمە لە هیچ کاتێکدا کێشەمان لەگەڵ هیچ کەسێکدا نییە کە بیەوێت هاوکاریی کەرتی تەندروستیی قەزاکە بکات، سەبارەت بەو ئامێرانەش تاوەکو ئێستا هیچ نووسراوێکی فەرمیمان پێ نەگەیشتووە و رێگریش لە کەس ناکەین خزمەتی هاووڵاتییان بکات."

بابەتی پەیوەندیدار

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ
هەواڵە ناوخۆییەکان18-11-2026

دوو نوێنەرانی مامۆستایانی گرێبەست: پێمان گوتراوە هەفتەی داهاتوو مووچەمان دابەش دەکرێ

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ
هەواڵە ناوخۆییەکان18-11-2026

نەوت و کانزاکانی هەولێر: سبەی لە هەریر، باسرمە و بالیسان نەوت دابەش دەکرێ

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ
هەواڵە ناوخۆییەکان18-11-2026

نرخی موەلیدە ئەهلییەکان لە پرۆژەکانی نیشتەجێبوون دیاری دەکرێ

پێشنیازەکان

ئەمەنەش ببینە