تەقینەوەی تەنێکی نامۆ لە ئاسمان مشتومڕێکی زۆری بەدواوە دێت

رووداو- هەولێر 

تەقینەوەی تەنێکی نامۆ لە ئاسمانی ناوچەیەکی سووریا کە لە ژێر کۆنترۆڵی چەکدارانی داعشدایە و نزیکە لە سنووری تورکیا، بەکارهێنەرانی تۆڕە کۆمەڵایەتییەکانی بەخۆیەوە سەرقاڵکردووە.

ئەو تەنە نامۆیە لەکاتی کەوتنیدا دەردەکەوێت پێش ئەوەی بتەقێتەوە و هەروەها لەکاتی تەقینەوەیدا ئاسمانی ناوچەکە بەتەواوی رووناک دەکاتەوە ، کامێراکانی چاودێری شاری روهای باکووری کوردستان وێنەی ئەو تەنە نامۆیەیەیان گرتووە و بڵاوبوونەوەی بووەتە جێی مشتومڕ و سەرسووڕمانی بەکارهێنەرانی تۆڕە کۆمەڵایەتییەکان.

گوتەبێژی هێزەکانی پاسەوانی سنووری تورکیا رایگەیاند : "تەقینەوەکە بە شتێکی ئاسایی ناژمێردرێت، بەڵام لەوانەیە نەیزەکێک بێت و لە ئاسمانەوە تەقیبێتەوە پێش ئەوەی بگاتە سەر زەوی .