کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کوردستان

لە ورمێ هاونیشتمانییان و خاوەنی پەلەوەرخانەکانیش لە نرخی مریشک ناڕازین

فریا یونسی

فریا یونسی

13-11-2023
گوێبگرە
0:00
0:00
قەبارەی دەق
فریا یونسی
فریا یونسی13-11-2023

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

رووداو دیجیتاڵ
 
لە ورمێی رۆژهەڵاتی کوردستان، نرخی مریشک بەرز دەبێتەوە و هۆشداریش دەدرێت لەسەر سفرەی چینی کەمداهات نەمێنێت.
 
ئێستا لە بازاڕەکانی رۆژهەڵاتی کوردستان و ئێران نرخی هەر کیلۆیەکی مریشکی زیندوو گەیشتووەتە 52 هەزار تمەن، واتە یەک دۆلار و کیلۆیەک مریشکی سەربڕاویش تاوەکو 73 هەزار تمەن هەڵکشاوە؛ نرخێک کە خاوەنی پەلەوەرخانەکان لێی رازی نین.
 
کازم سەیف حەقیقەت، بەڕێوەبەری سەندیکای پەلەوەرخانەکانی ورمێ دەڵێت، "بەم دواییانە گران بووە، چونکە دانەوێڵە، حەقدەستی کرێکار و ئەو ڤاکسینانەی هاوردەیان دەکەین، [نرخیان] بەرز بوونەتەوە. ئێستا بۆ بەرهەمهێنانی هەر کیلۆیەک مریشک لە پەلەوەرخانەکان 56 هەزار تمەنیان داناوە، بەڵام بەهۆی ئەوەی دانەوێڵە لەبری ئەوەی لە 40 رۆژدا بگاتە دەستمان، بە 52 رۆژ دەگاتە دەستمان، بەرهەمهێنانی مریشک لەوە زیاتری تێدەچێت بۆمان؛ بۆیە تووشی کێشەی کردووین."
 
لە 18 هەزار و 199 پەلەوەرخانەی رۆژهەڵاتی کوردستان و ئێران، 751یان لە پارێزگای ورمێن و مانگانە سەروو پێنج ملیۆن مریشک دەخەنە بازاڕەوە.
 
ئەو ژمارەیە لە دوو مانگی رابردوودا بۆ سێ ملیۆن و 700 هەزار مریشک دابەزیوە و پەلەوەرخانەکان هۆکارەکەی بۆ نەبوونی پاڵپشتی حکومەت لە بەرهەمهێنانی هێلکەی هەڵهێنان لە ناوخۆ دەگەڕێننەوە و هەروەها هاوردەکردنی لە وڵاتانەوە.
 
کازم سەیف حەقیقەت، بەڕێوەبەری سەندیکای پەلەوەرخانەکانی ورمێ باسی دەکات، "یەک لە کێشەکانمان دەگەڕێتەوە بۆ هاوردەی هێلکەی هەڵهێنان لە تورکیاوە کە زیان بە خاوەن پەلەوەرخانەکان دەگەیەنێت. ئێمە خۆمان دەتوانین ئەو جۆرە هێلکەیە بەرهەمبێنین، ئەگەر حکومەت پاڵپشتیمان بکات".
 
بەگوێرەی دوایین راپۆرتی ناوەندی ئاماری ئێران، مانگی رابردوو زۆرترین هەڵاوسان بەراورد بە مانگی تشرینی یەکەمی پار، لە گۆشتی مریشک و گۆشتی سوور بە رێژەی 82% بووە. ئەوەش لەکاتێکدایە حکومەت بانگەشەی جێگیرکردنی ئابووری دەکات.
 
ئەمین دەلیری، جێگری پێشووی وەزیری ئابووریی ئێران باس لە رێژەی هەڵاوسان لە وڵاتەکەیدا دەکات و دەڵێت، "هێشتا رێژەی هەڵاوسان لە وڵاتەکەمان لەسەروو 46% و سندووقی نیشتمانیی دراویش پێشبینی دەکات ئەمساڵ لە 47%دا جێگیر بێت و گەشەی ئابووریش لە 3%دا. ئەگەر ئەم ئامارانە دروست بن و دەبێت دروستیش بن، دەبێت سیاسەتەکانی حکومەت وا بن کە ئابووری جێگیر بکەن، ئەوەش بە جێگیرکردنی دراو. ئەگەر  بەرز و نزمی دراو بەردەوام بێت، دەستی دەڵاڵەکان کراوە دەبێت بۆ پشێوی دروستکردن لە بازاڕدا".
 
بەگوێرەی راپۆرتەکانی حکومەت، دوای گرانبوونی گۆشتی سوور، یەک لە جێگرەوەکانی ئەو پێداویستییە گۆشتی مریشک بووە لەسەر سفرەی چینی کەمداهاتی ئێران، بەڵام پێدەچێت ئەو جێگرەوەیەش، لەسەر سفرەکان نەمێنێت.

 

 

بابەتی پەیوەندیدار

شوێنەواری عەفرین: هەر 36 گردە شوێنەوارییەکەمان وێرانکراون
کوردستان19-11-2026

شوێنەواری عەفرین: هەر 36 گردە شوێنەوارییەکەمان وێرانکراون

55 کۆچبەری ئەفغانی لەناو بارهەڵگرێکدا لە ئامەد دەستگیرکران
کوردستان19-11-2026

55 کۆچبەری ئەفغانی لەناو بارهەڵگرێکدا لە ئامەد دەستگیرکران

سەرجەم دەستبەسەرکراوانی هەڤبەندی لە ئامەد ئازاد کران
کوردستان19-11-2026

سەرجەم دەستبەسەرکراوانی هەڤبەندی لە ئامەد ئازاد کران

پێشنیازەکان

ئەمەنەش ببینە