کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

چالاکییەکی بەرپرسانی ئاکپارتی

چالاکییەکی بەرپرسانی ئاکپارتی

تورکیا

بەرپرسانی ئاکپارتی بۆ بەدەستهێنانی پشتگیریی خەڵک بۆ پرۆسەی چارەسەری دەست بە چالاکی دەکەن

هێمن عەساف

هێمن عەساف

28-08-2026
گوێبگرە
0:00
0:00
قەبارەی دەق
هێمن عەساف
هێمن عەساف28-08-2026

بابەتی پەیوەندیدار

پەیمانگەی شاهانەی بەریتانیا: ئاشتیی بەردەوام لە تورکیا پێویستی بە چاکسازیی یاساییە
تورکیا18-11-2026

پەیمانگەی شاهانەی بەریتانیا: ئاشتیی بەردەوام لە تورکیا پێویستی بە چاکسازیی یاساییە

سزای 2 ساڵ زیندانیکردن و قەدەخەی سیاسی بەسەر ئەکرەم ئیمامئۆغڵودا سەپێندرا
تورکیا18-11-2026

سزای 2 ساڵ زیندانیکردن و قەدەخەی سیاسی بەسەر ئەکرەم ئیمامئۆغڵودا سەپێندرا

پارتی نوێ لە لیژنەی چاودێری پرۆسەی چارەسەری بەشداری ناکات
تورکیا18-11-2026

پارتی نوێ لە لیژنەی چاودێری پرۆسەی چارەسەری بەشداری ناکات

رووداو دیجیتاڵ

یاریدەدەری سەرۆکی پارتی داد و گەشەپێدانی تورکیا (ئاکپارتی) دەڵێ، بەهۆی ئەو هەنگاوانەی لە پرۆسەی چارەسەریدا نراون، تورکیا دەچێتە "قۆناخێکی نوێی گەشەپێدان؛" ئاماژە بەوەش دەکات، پشتگیریی کۆمەڵایەتی و پشتیوانی جەماوەر بۆ پرۆسەکە زۆر لە رێژەی دەنگەکانی هاوپەیمانیی جمهور (ئاکپارتی و مەهەپە) زیاترە.

ئاکپارتی لەژێر ناوی "دیدارەکانی سەتەی تورکیا" دەست بە چالاکیی مەیدانی دەکات بۆ ئەوەی لەگەڵ هاووڵاتییاندا تاوتوێی پرۆسەی چارەسەری بکات.

ئەحمەد بویوگوموش، یاریدەدەری سەرۆکی ئاکپارتی لە کۆنفرانسێکی رۆژنامەڤانیدا لە بارەگای سەرەکیی حیزبەکەی لە ئەنقەرە رایگەیاند، لە مانگی ئەیلوولدا لە سەرجەم شار و شارۆچکەکانی تورکیا و باکووری کوردستان لەگەڵ هاووڵاتییان و هاونیشتمانییان کۆدەبنەوە. ئامانجی سەرەکیش قسەکردن دەبێ لەسەر ئەو یاسا نوێیەی پەیوەستە بە پرۆسەکە و کاریگەرییەکانی لەسەر داهاتووی وڵات.

بویوگوموش ئاماژەی بەوە کرد، تورکیا لەبەردەم وەرچەرخانێکی مێژووییدایە و گوتی: "بە گەیشتن بە تورکیایەکی بێ تیرۆر و جێبەجێکردنی رێکارە یاساییەکان، هیوادارین پرۆسەی کۆتاییهێنان بە پەکەکە جێبەجێ بکرێ. بڕوایەکی بەهێزمان هەیە کە بە تێپەڕاندنی ئەم قۆناخە، تورکیا دەچێتە سەردەمێکی نوێی ئاوەدانی." 

ئەو بەرپرسەی ئاکپارتی گوتی، سەرۆککۆمار و تەواوی ئەندامانی ئاکپارتی ئامادەکارییان کردووە بۆ ئەوەی ئەو کەشە ئارام و برایانەیەی دروست دەبێت، بکرێتە هەوێنێک بۆ گەشەسەندنی ئابووری و دابینکردنی دەرفەتی نوێ بۆ گەلی تورکیا.

سەبارەت بە ئاستی رەزامەندیی خەڵک لە پرۆسەکە، بویوگوموش گوتی: "بەپێی لێکۆڵینەوەکانمان، پشتگیریی کۆمەڵایەتی بۆ درووشمی تورکیایەکی بێ تیرۆر، زۆر لە رێژەی دەنگەکانی هاوپەیمانیی جمهوور زیاترە، ئەمەش نیشانەی ئەوەیە خەڵک تینووی ئاشتی و سەقامگیرییە." 

ئەو بەرپرسەی ئاکپاتی ئاماژەی بەوە کرد کە پەسندکردنی یاسای (بەهێزکردنی تەبایی نیشتمانی و یەکگرتوویی کۆمەڵایەتی) بە 467 دەنگ لە پەرلەمان، دەیسەلمێنێت کە لایەنە سیاسییەکان هەرچەندە دژبەیەکیش بن، دەتوانن لەسەر پرسە چارەنووسسازەکان رێکبکەون؛ گوتیشی: "هیچ پرسێک نییە لە تورکیا نەتوانین لە رێگەی سیاسییەوە چارەسەری بکەین." 

لە چوارچێوەی ئەم پلانە نوێیەدا بڕیارە ئەندامانی کابینەی حکومەت، پەرلەمانتاران، سەرۆک شارەوانییەکان و تەواوی رێکخستنەکانی ئاکپارتی بچنە شار و شارۆچکەکان بۆ ئەوەی راستەوخۆ گوێ لە رەخنە و پێشنیازەکانی خەڵک بگرن. 

بویوگوموش گوتی: "تاکە قیبلەنمای ئێمە میللـەتە، بۆیە هەر راوبۆچوونێک لەم دیدارە مەیدانییانەدا وەریبگرین، دەبێتە بنەما بۆ داڕشتنی سیاسەتەکانی داهاتوومان."

بابەتی پەیوەندیدار

پەیمانگەی شاهانەی بەریتانیا: ئاشتیی بەردەوام لە تورکیا پێویستی بە چاکسازیی یاساییە
تورکیا18-11-2026

پەیمانگەی شاهانەی بەریتانیا: ئاشتیی بەردەوام لە تورکیا پێویستی بە چاکسازیی یاساییە

سزای 2 ساڵ زیندانیکردن و قەدەخەی سیاسی بەسەر ئەکرەم ئیمامئۆغڵودا سەپێندرا
تورکیا18-11-2026

سزای 2 ساڵ زیندانیکردن و قەدەخەی سیاسی بەسەر ئەکرەم ئیمامئۆغڵودا سەپێندرا

پارتی نوێ لە لیژنەی چاودێری پرۆسەی چارەسەری بەشداری ناکات
تورکیا18-11-2026

پارتی نوێ لە لیژنەی چاودێری پرۆسەی چارەسەری بەشداری ناکات

پێشنیازەکان

ئەمەنەش ببینە