بەوێنە؛ كچە كوردێكی خەڵكی سلێمانی كاندیدە بۆ شاجوانی زەوی

رووداو - هەولێر

سۆزان عامر، كچە كوردی خەڵكی سلێمانی و دانیشتووی بەغدا بە رووداوی راگەیاند، كاندیدی عێراقە بۆ شاجوانی زەوی ساڵی 2016.

رۆژی سێشەممە 11-10-2016، شاجوانەكانی 80 وڵاتی جیهان لە وڵاتی فیلیپین خۆیان بە میدیاكان ناساند و كێبڕكێ‌ لەسەر تاجی شاجوانی زەوی بۆ 2016 دەكەن.

سۆزان عامر، تەمەن 21 ساڵ، كچە كوردێكی خەڵكی سلێمانییە و ئێستا لە بەغدا دەژی، خوێندكاری قۆناغی سێیەمی ئەندازیاری كۆمپیوتەرە لە زانكۆی مەنسوور.

ئەوە یەكەمین جارە عێراق بەشداری شاجوانی زەوی بكات و نوێنەری بۆ ئەو مەراسیمە بنێرێت، سۆرزان عامر بە (تۆڕی میدیایی رووداو)ی راگەیاند، لەلایەن رێكخراوی شاجوانی عێراق كاندید كراوە بۆ ئەو خەڵاتە جیهانییە. 

لە مەراسیمی ساڵی رابردووی شاجوانی عێراق، سۆزان عامر خەڵاتی "شاژنی میسۆپۆتامیای" پێبەخشرا.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger