هونەرمەندێکى ناسراوى بادینان کۆچى دوایی کرد

رووداو- دهۆک

ئەکتەر و شانۆڤان، هونەرمەند رفعەت رەجەب، دوێنێ شەو 21-4-2019  لە تەمەنى ٦٢ ساڵیدا کۆچى دوایی کرد،  لە گۆرستانی ئاکرێ  بەخاکی دەسپێرن.

دوایى نزیکەى ٣٠ ساڵ لە خەباتى هونەرى لە زۆربەى بوارەکانى هونەریدا، لە درەنگانى شەوى رابردوو ٢١\٢٢- نیسانی ٢٠١٩ هونەرمەند رفعەت رەجەب، بەڕێوەبەرى هونەریی و کولتوورى دهۆک لە ماڵى خۆى لە شارى دهۆک، بەهۆى جەڵتەى دڵ گیانى لەدەستدا.

ئەیوب رەمەزان بەڕێوەبەرى گشتى رۆشنبیرى و هونەرى دهۆک بە رووداو راگەیاند" گیان لەدەستدانى هونەرمەند رفعەت رەجەب خەسارەتێکى گەورە بوو بۆ دەڤەرى بادینان و هونەرى کوردى، بڕیارە ئەمڕۆ ٢٢ نیسان لە مەراسیمێکدا لە قەزای ئاکرێ  بە خاکی بسپێرن".

ئەیوب رەمەزان گوتیشی "  رفعەت رەجەب لە سەرەتایى ساڵەکانى هەشتا و هەتا کۆتایى رۆژى تەمەنى خزمەتى هونەرى کوردى لە بوارەکانى شانۆ، ئەکتەرى، دەرهێنەر و ئەرشیفکرنى شانۆ و فۆلکلورى کوردى کردووە".

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger