پرۆسەی دابەشکردنی زەوی بەسەر فەرمانبەران لە پارێزگای دهۆک هەنگاوی کردەیی خێراتر دەنێت. لەکاتێکدا نزیکەی 70 هەزار فەرمانبەر لە سنووری ئەو پارێزگایە فۆڕمیان پڕکردووەتەوە، بەڕێوەبەری گشتیی شارەوانییەکانی دهۆک رایدەگەیێنێت، لە ماوەی مانگێکدا هەزاران پارچە زەوی دیکە ئامادە دەکرێن بۆ ئەوەی بەسەر شایستەکاندا دابەش بکرێن.
بەهۆی شەپۆلێکی بەفربارین و نزمبوونەوەی پلەی گەرما، رێگەی 50 گوند لە سنووری پارێزگای دهۆک داخراون. بەڕێوەبەری چاککردنەوە و پاراستنی رێگەوبانەکانی دهۆکیش هۆشداری دەداتە هاونیشتمانییان کە بۆ کاری زۆر پێویست نەبێت لە ماڵەکانیان دەرنەچن.
بەهۆی بەفربارینەوە دەروازەی سەرزێڕ لە سنووری قەزای ئامێدی لە پارێزگای دهۆک لەنێوان هەرێمی کوردستان و باکووری کوردستان داخرا. بەڕێوەبەری دەروازەکە دەڵێ، تاوەکو سبەی بە داخراوی دەمێنێتەوە و ئەگەر کەشوهەوا ئاسایی بووەوە، ئەو کاتە بڕیاری کردنەوەی دەدەن.
شەوی رابردوو لە سەنتەری قەزای شنگال، نووسینگەی مەحما خەلیل، ئەندامی ئێستای پەرلەمانی عێراق و بەربژێری پارتی دیموکراتی کوردستان بۆ هەڵبژاردنی ئەنجوومەنی نوێنەران، سووتێنرا.
لە ناحیەی چەمانکێ سەر بە قەزای ئامێدى تەقینەوەیەک لەنێو کێڵگەیەکى نەوت روویدا، سەرچاوەیەکى فەرمى رایگەیاند زیانى مادیی لێ کەوتووەتەوە، بەڵام زیانى گیانیی نییە.
لە گوندی گۆمەزەردی سنووری بەردەڕەش، دوو ماڵبات لەسەر دروستکردنی رێگەیەک دەبێتە شەڕیان و بەهۆیەوە شەش کەس بریندار بوون.
لە سەنتەری قەزای شنگال شەڕ لەنێوان هێزەکانی پاراستنی شنگال - یەپەشە و سوپای عێراق روویدا. بەڕێوەبەری نەخۆشخانەی شنگال دەڵێت، 5 سەربازی عێراقی بریندارن
بە گوتەی جەمیل خەیری، رەوشی کوڕە تەمەن 17 ساڵەکەی ئانیس، کە ئەویش لە رووداوەکەدا سووتابوو، باش نییە.
دوای دەرچوونی ئەنجامی پشکنینی DNA، بڕیارە 32 رووفاتی دیکەی کوردانی ئێزدی لە بەغداوە بگەڕێندرێنەوە موسڵ و پاشانیش شنگال، بەرپرسی رێکخراوێکی مافی مرۆڤ لە شنگال دەڵێت، 19 لەو رووفاتانە خەڵکی گوندی کۆچۆن و دووانیشیان ژنن.
