لەیلا فەریقی تۆرابوو

رووداو- هەولێر

خانمە هونەرمەندی كورد لەیلا فەریقی، دوای 10 ساڵ بێدەنگی، باسی هۆكاری دووركەوتنەكەی لە كاری هونەری دەكات و دەڵێت تۆرابوو.

لەیلا فەریقی لە هەڤپەیڤینێكی 24 خولەكیدا لەگەڵ تەلەڤزیۆنی (رووداو) كە لە رۆژی سەری ساڵدا بڵاودەبێتەوە، رایگەیاند "من لە ماوەی رابردوودا تۆرابووم، لە هەموو كەسێك، لە هەموو شتێك، گەیشتبوومە ئەو بڕیارەی كە كار نەكەم". فەریقی هۆكاری تۆرانەكەی ئاشكرا دەكات و دەڵێت "لێرە قەدری زەحمەتییەكانی منیان نەگرت".

لەیلا فەریقی سەبارەت بە ئەلبوومە تازەكەشی گوتی "ئەلبوومەكەم بۆ ساڵی 2017 ئامادە دەبێت، گۆرانیی ئەڤینداری و نەتەوەیی تێدایە و هەروەها گۆرانی بۆ منداڵان و ئافرەتانیش تێدایە". فەریقی هیوای خواست ساڵی داهاتوو، ساڵی سەركەوتنەكانی ئەو بێت.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger