هەڵەیەک روویدا! دووبارە هەوڵبدە
رووداو - تەندروستی
ئێرە بەلجیکایە، رۆژانە دوو بۆ سێ تووشبووی ڤایرۆسی HIV کە دەبێتە هۆی ئەیدز تۆمار دەکرێن و خەڵکەکەی داوای بەخۆڕاییکردنی دەرمانێک دەکەن کە رێگری لە نەخۆشییەکە دەکات.
تێری مارتن، بەڕێوەبەری پڕۆگرامی پێشگیریکردن لە ئەیدز لە بەلجیکا دەڵێت: ''بێگومان، دەرمانەکە زۆر کاریگەر و بەسوودە بۆ گرووپە مەترسیدارەکان. ئەوانەی لە ناوەندە پزیشکییەکانەوە دوورن، کێشەیان لە وەرگرتنی دەرمانی رێگری لە ئەیدز هەیە''.
کابۆتیگراڤیر دەرزییەکە هەم چارەسەر و هەمیش ڤاکسینە دژی ئەیدز لە بری هەموو رۆژێک، تەنیا دوو مانگ جارێک بەکاردێت.
سەرۆکی بەشی نەخۆشییە گوازراوەکان لە نەخۆشخانەی زانکۆی سانت پێیرێ دەڵێت: ''وەبەرهێنان لە خۆپارێزیدا، بەتایبەت بۆ ئەوانەی ناتوانن پێیان بگەن، کارێکی باش و شایستەیە، لەڕاستیدا هەر بۆ ئەم کەسانەیە کە دەتوانین دەرزیی کابۆتیگراڤیر هەر دوو مانگ جارێک پێشکێشبکەین و بەمشێوەیە بتوانین رێڕەوی ڤایرۆسی HIV لە بەلجیکا بگۆڕین''.
نرخی هەر دەرزییەک هەزار و 500 دۆلارە و لەبەر گرانییەکەی، خەڵک لێی نادەن. لە بەلجیکا 20 هەزار کەس ڤایرۆسی HIVـیان هەیە. خەڵکەکەی دەیانەوێت هەمووان بە خۆڕایی ڤاکسینەکە وەربگرن، بۆ ئەوەی لە نەخۆشییە ترسناکەکە پارێزراو بن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ