هەڵەیەک روویدا! دووبارە هەوڵبدە
رووداو - تەندروستی
پسپۆڕێکی نەخۆشییەکانی منداڵان ئاشکرای دەکات، کوتان منداڵ لە چەندین نەخۆشی و نیشانەی تووندی نەخۆشییەکان دەپارێزێت کە رەنگە ببنە مەترسی لەسەر ژیانی، بەتایبەت ڤاکسینە رۆتینییەکان کە بەپێی خشتە دانراون.
ئەمڕۆ سێشەممە 11-3-2025 د. گەشبین کاوە، پسپۆڕی نەخۆشییەکانی منداڵان لە بوولتەنی تەندروستیدا روونی دەکاتەوە، منداڵ دوو ژەم ڤاکسینی سوورێژە وەردەرگرێت کە ژەمی یەکەم لە تەمەنی 12 بۆ 15 مانگییەوە دەکرێت و ژەمی دووەم لە تەمەنی 4 بۆ 6 ساڵیدا دەکرێت.
د. گەشبین کاوە دەڵێت: بۆ ڤاکسینی سوورێژە هیچ خۆئامادەکردنێکی ناوێت و نیشانەکانیشی کەمە و ئاسایین ئەگەر تا و گەشکە دروستبکەن و ئەمانە نابێت ببنە رێگر لە کوتانی منداڵەکە.
ئەگەر دایک و باوکێک ڤاکسینی سوورێژە بۆ منداڵەکەیان نەکەن، چ لێکەوتەیەکی دەبێت؟ د. گەشبین لە وەڵامدا دەڵێت: سوورێژە نەخۆشییەکی قورسە و نیشانەکان رەنگە 7 بۆ 10 رۆژ بخایەنێت و دەکرێت منداڵەکە تووشی هەوکردنی تووندی سییەکان، گوێ و پەردەی مێشک بن، هەر بۆیە رەنگە بەهۆیانەوە گیانلەدەستبدەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ