رووداو - تەندروستی
پسپۆڕێکی باڵای کیمیا و گۆڕانە ژینگەییەکان رایدەگەیێنێت، ئێستا لە هەرێمی کوردستان پیسبوونی ژینگە بووەتە مەترسییەکی گەورە لەسەر تەندروستیی هاونیشتمانییان.
ئەمڕۆ دووشەممە 11-11-2024 د. سلێمان جەعفەر، پسپۆڕی کیمیا و باڵای ژینگە لە بەرنامەی رۆژی هیوا جەمال رایگەیاند، دەبێت رێگە لە دەردانی گازی ژەهراویی پاڵاوگە نایاساییەکان بگیرێت.
د. سلێمان جەعفەر دەڵێت: لە هەرێمی کوردستان بەشێکی زۆری پاڵاوگەی نایاسایی هەن و مۆڵەتیان نەدراوەتێ، بەڵام کاردەکەن و هەر ئەوانەشن کە زیان بە ژینگە دەگەیێنن.
ئەو پسپۆڕە لەبارەی لووتکەی گۆڕانی کەشوهەوا COP29ـەوە گوتی، ئامانجی سەرەکی ئەم لووتکەیە دۆزینەوە و پێشنیازکردنی رێگە چارەی نوێیە بۆ بەکارهێنانی وزە و سووتەمەنی، بەجۆرێک کە دۆستی ژینگە بن.
کۆنفرانسی رووبەڕووبوونەوەی گۆڕانی کەشوهەوا (COP29) ئەمڕۆ (دووشەممە، 11-11-2024) لە باکوو دەستیپێکرد و تاوەکو 22 ئەم مانگە بەردەوام دەبێت، کۆنفرانسەکە بە کۆبوونەوەیەکی گرنگ دادەنرێت بۆ پارەدارکردنی وڵاتانی هەژار بۆ رووبەڕووبوونەوەی لێکەوتەکانی گۆڕانی کەشوهەوا.
پسپۆڕێک لەبارەی پیسبوونی بەردەوامی هەوای هەولێر: ''سووتەمەنی خراپ هۆکاری سەرەکییە'' {راپۆرتەکە ببینە}.