رووداو - تەندروستی
توێژینەوەیەک لە ئەمریکا دەریدەخات، ئەزموون و ژینگە نەرێنییەکانی سەردەمی منداڵی دەکرێت ببنە هۆی زنجیرەیەک کێشەی دەروونی و جەستەیی لە قۆناخەکانی دواتری ژیاندا.
توێژینەوەکە لە زانکۆی جۆرجیا لە ئەمریکا کراوە و دەرکەوتووە، منداڵان لە تەمەنی 10 ساڵییەوە هەست بە مەترسییەکانی ژینگە و دەوروبەریان دەکەن، ئەو ژینگە نائارامانە نەک تەنیا کاریگەرییان لەسەر رەفتاری منداڵەکان هەبووە، بەڵکو کاردانەوەی فیزیۆلۆژی و هەوکردنیان لە کۆئەندامی دەماریاندا دروستکردووە.
بە گوێرەی زانکۆ ئەمریکییەکە کاتێک لە تەمەنی گەنجیدا ژینگەیەکی پارێزراوی وەکو ماڵەوە جێدەهێڵرێت، کاریگەرییە نەرێنی دەروونی لەسەر ژیانی منداڵەکان رەنگی داوەتەوە و پاشان پەنایان بۆ چەندین خووی خراپ بردووە.
سیێرا کارتەر، یەکێک لە توێژەران و بەڕێوەبەری نوێی سەنتەری توێژینەوەی خێزان لە زانکۆی جۆرجیا دەڵێت، "ئەو شتانەی لە منداڵیدا بەسەرت دێن، لە شێوازی پەروەردەکردنەوە تاوەکو ئەو ژینگەیەی تێیدا دەژیت، دەتوانن ببنە هۆی کێشەی درێژخایەن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ