رووداو - تەندروستی
ناوەندی خۆراک و دەرمان لە ئەمریکا FDA رایدەگەیێنێت، ڤاکسینی FluMist یەکەم ڤاکسینی ئەنفلۆنزایە کە لەلایەن FDA پەسەندکراوە و دەشێت لە ماڵەوە بەکاربهێندرێت.
ناوەندەکە ئاماژە ئاماژە بەوەدەکات، هەرکەسێک FluMistـی بۆ بنووسرێت ڤاکسینەکە وەردەگرێت هەروەها رێنمایی ورد لەسەر چۆنیەتی بەکارهێنان، هەڵگرتن و فڕێدانی بەرهەمەکەی پێدەدرێت، هاووڵاتیان پێویستیان بە رەچەتە دەبێت بۆ وەرگرتنی FluMist، دەبێت تەمەنیان 18 ساڵ یاخود زیاتر بێت.
دکتۆر پیتەر مارکس، بەڕێوەبەری سەنتەری هەڵسەنگاندن و لێکۆڵینەوە بایۆلۆژییەکانی FDA دەڵێت، ''ئەوە بژاردەیەکی نوێیە بۆ وەرگرتنی ڤاکسینی ئەنفلەوەنزا بە شێوەیەکی ئاسانتر و دەستڕاگەیشتنێکی زیاتر بۆ تاک و خێزانەکان''.
بەگوێرەی FDA، ئەم ڤاکسینە وەکو هەر ڤاکسینێکی دیکە کاریگەری لاوەکی هەیە کە بریتیە لە تا، گیرانی لووت و ئازاری قوڕگ.
