کلینیکاست؛ بۆ رۆژووشکاندن خورما و زەڵاتە بخورێن، نوێژ بکرێت، ئینجا ژەمی سەرەکی بخورێت

ئەو پسپۆڕە هۆکارەکانی قەبزیی رۆژووەوانان باس دەکات وەکو؛

- کەمخواردنەوەی ئاو

- خواردنی خۆراکی ناتەندروست بەتایبەت چەوری و سوورەوەکراوەکان

- کەمخواردنەوەی سووپ و شلەمەنی

- خواردنەوەی خواردنەوە گازییەکان

بۆیە پێی باشە کە سەرەتای بەربانگ بە خورما لەگەڵ زەڵاتە و سووپێک رۆژووەکە بشکێندرێت، پاشان نوێژ بکرێت و ئینجا دەست بە ژەمی سەرەکی بکرێت.

د. هەرمێ نەقشبەندی، پسپۆڕی نەشتەرگەریی گشتی میوانی پۆدکاستەکەیە و دەڵێت: ئەگەر کەسێک لە هەفتەیەکدا کەمتر لە 3 جار پیسایی بکات، یان دوای سێ رۆژ پیسایی نەکرێت یانیش پیسایی رەق بێت و بە زەحمەت بێتە خوارەوە بە تووشبووی قەبزی هەژمار دەکرێت.

د. هونەر رێبوار، پزیشک و پێشکێشکاری بەرنامەکە دەڵێت: سەرسووڕان، خێرالێدانی دڵ، ئارەقکردنەوە، بێهێزی، جەستەلەرزین و لەدەستدانی هۆش هەبوون، پێویستە راستەوخۆ رۆژووەکەی بشکێنێت.