هەڵەیەک روویدا! دووبارە هەوڵبدە
رووداو - تەندروستی
ناوەندی فریاکەوتنی ئێران ئاشکرای دەکات، لە سەرەتای جەنگی ئەمجارەی ئێران- ئیسرائیل و ئەمریکادا 50 یەکەی فریاکەوتن کراونەتە ئامانج و بە تەواوی خاپوور بوون.
ناوەندی فریاکەوتنی ئێران رایدەگەیێنێت، تاوەکو ئێستا 199 بنکەی تەندروستی زیانیان بەرکەوتووە و لەکاتێکدا مانگی سووری ئێران پشتڕاستی دەکاتەوە کە 600 قوتابخانە لە ناوچە جیاجیاکان وێران بوون یان زیانیان پێگەیشتوون و 17 ناوەندی مانگی سوور، 48 ئۆتۆمبێلی ئۆپەراسیۆن، 46 ئەمبوڵانس و 3 هێلیکۆپتەری فریاگوزاری کراونەتە ئامانج و لەکارکەوتوون.
ئەم ئامارانەی مانگی سوور لە کاتێکدان کە لە شەڕی هاوپەیمانیی ئەمریکا-ئیسرائیل دژی ئێراندا بەپێی دواین ئاماری وەزارەتی تەندروستیی ئێران، ژمارەی کوژراوانی مەدەنی و سەربازی 1,937 کەسی تێپەڕاندووە و بریندارانیش گەیشتوونەتە زیاتر لە 24,800 کەس.
بەپێی راگەیێندراوێکی فەرمیی کۆمەڵەی مانگی سووری ئێران، لە ئەنجامی هێرشەکاندا 93,233 یەکەی مەدەنی زیانیان بەرکەوتووە. لەو ژمارەیە 71,547 یەکەیان خانووبەرە و شوێنی نیشتەجێبوونن، هەروەها 20,779 یەکەی دیکەیان شوێنی بازرگانین.
هەر لە راگەیێندراوەکەدا هاتووە، هێرشەکان کەرتی تەندروستیشیان گرتووەتەوە و تاوەکو ئێستا 295 ناوەندی تەندروستی، نەخۆشخانە و بنکەی فریاکەوتنی خێرا لە ناوچە جیاوازەکاندا زیانیان پێگەیشتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ