رووداو - تەندروستی
توێژینەوەیەک لە سوێد دەریدەخات پشکنینی شێرپەنجەی مەمک بە یارمەتیی زیرەکیی دەستکرد (AI)دەبێتە هۆی دەستنیشانکردنی ژمارەیەکی زیاتری گرێ شێرپەنجەییەکان لە قۆناخە سەرەتاییەکاندا، بە رێژەی 12% دەرکەوتنی شێرپەنجەی تووند و پێشکەوتوو لەنێوان پشکنینەکاندا کەم دەکاتەوە.
توێژینەوەکەی زانکۆی لوند لە سوێد لەسەر زیاتر لە 100 هەزار خانم کراوە دەرکەوتووە کە زیرەکیی دەستکرد نەک هەر ژمارەی شێرپەنجەی دەستنیشانکراو زیاد دەکات، بەڵکو باری سەرشانی پزیشکانی تیشکیش بە رێژەی 44% کەمدەکاتەوە.
دکتۆر کریستینا لانگ، سەرپەرشتیاری توێژینەوەکە لە زانکۆی لوند لە سوێد، دەڵێت: "توێژینەوەکەمان دەریخستووە کە ئەو پشکنینەی پشت دەبەستێت بە زیرەکیی دەستکرد، دەستنیشانکردنی زووی شێرپەنجە مەترسیدارەکان باشتر دەکات، ئەمەش وادەکات ژمارەی ئەو شێرپەنجە تووند و پێشکەوتووانەی لەنێوان پشکنینەکاندا دەردەکەون، کەمتر ببنەوە."
جێسی گۆمەرز سەرپەرشتیاری توێژینەوەکە دەڵێت: " پێشنیازی پشتگیری لە جێگرتنەوەی کارمەندانی تەندروستی بە زیرەکیی دەستکرد ناکەین، چونکە هێشتا پێویست بە پزیشکی تیشک دەکات، بەڵام پێشنیازدەکەین زیرەکی دەستکرد بەکاربهێنرێت بۆ کەمکردنەوەی گوشار لەسەر پزیشکان."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ