رووداو - هەولێر
سەرۆکی رابیتەی کلدانی لە عێراق و جیهان پیرۆزبایی لە سەرۆکی هەڵبژێردراوی هەرێمی کوردستان دەکات و، رایدەگەیەنێت متمانەیەکی زۆریان بە توانا و شارەزایی فراوانی نێچیرڤان بارزانی هەیە سەبارەت بە کەیسە سیاسیی و نێودەوڵەتییەکان.
سەفا سەباح هیندی، سەرۆکی رابیتەی کلدانی لە عێراق و جیهان لە پەیامێکدا پیرۆزبایی لە نێچیرڤان بارزانی، سەرۆکی هەڵبژێردراوی هەرێمی کوردستان دەکات و، رایدەگەیەنێت "بەدەستهێنانی متمانەی پەرلەمان بنەماکانی دیموکراسی و دادپەروەری و یەکسانیی هاوشێوەی کۆمەڵگە پێشکەوتووەکان قوڵدەکاتەوە. جەختدەکەینەوە لە متمانەمان بە توانا و شارەزایی فراوان و دونیابینییە راستەکەتان سەبارەت بە کەیسە سیاسی و نێودەوڵەتییەکان کە رەنگدانەوەی پۆزەتیڤیان لەسەر هەرێمی کوردستان بەتایبەتی و عێراق بەگشتی دەبێت".
لە بەشێکی دیکەی پەیامەکەیدا سەرۆکی رابیتەی کلدانی لە عێراق و جیهان دەڵێ "هیوای ئارامی و گەشەسەندن بۆ هەرێمی کوردستان و گەلەکەی دەخوازین، هەروەها هیوادەخوازین چاوەڕوانییەکانی گەلی مەسیحی بەگشتی و کلدانی بەتایبەتی بێنەدی، لەگەڵ (چاوەڕوانییەکانی) برایانمان لە پێکهاتەکانی دیکەی هەرێمی کوردستان".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ