کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کوردستان

لە هەولێر تۆمەتبارێک رووبەڕووی هێزەکانی ئاسایش دەبێتەوە؛ چوار کارمەندیان بریندار دەکات

سیداد لەشکری

سیداد لەشکری

01-06-2023
گوێبگرە
0:00
0:00
قەبارەی دەق
سیداد لەشکری
سیداد لەشکری01-06-2023

بابەتی پەیوەندیدار

بەفر بەرزاییەکانی شرنەخی سپیپۆش کرد
کوردستان21-11-2026

بەفر بەرزاییەکانی شرنەخی سپیپۆش کرد

پارتی و یەکێتی؛ شکاندنی بەستەڵەکی پەیوەندییەکان و مەرجەکانیان بۆ یەکدی
کوردستان21-11-2026

پارتی و یەکێتی؛ شکاندنی بەستەڵەکی پەیوەندییەکان و مەرجەکانیان بۆ یەکدی

مەسرور بارزانی: هیچ کەسێک مافی دابەشکردنی کوردستانی نییە
کوردستان21-11-2026

مەسرور بارزانی: هیچ کەسێک مافی دابەشکردنی کوردستانی نییە

 
رووداو دیجیتاڵ

ئەمشەو لەکاتی دەستگیرکردنی دوو تۆمەتباردا لە هەولێر، رووبەڕووبوونەوە لەنێوان ئاسایش و تۆمەتبارەکاندا روویداوە و بەگوێرەی زانیارییەکانی رووداو؛ چوار کارمەندی ئاسایش بریندار بوون. گوتەبێژی ئاسایشی هەولێر دەڵێت، هەردوو تۆمەتبارەکە دەستگیر کراون.
 
رووداوەکە کاژێر 09:30 خولەکی ئەمشەو لە گەڕەکی تەعجیل روویداوە، تۆمەتبارەکان ئامادەنەبوونە خۆیان رادەستی هێزە ئەمنییەکان بکەن، بۆیە هێزەکانی ئاسایش رووبەڕوویان بوونەتەوە و تۆمەتبارەکانیش تەقەیان لە هێزە ئەمنییەکان کردووە.
 
پەیامنێری رووداو لە هەولێر رایگەیاند، ئەو چوار کارمەندەی ئاسایش کە بریندار بوون؛ ئێستا لە نەخۆشخانە چارەسەری تەندروستییان بۆ دەکرێت.
 
بەگوێرەی زانیارییەکانی رووداو؛ یەکێک لە تۆمەتبارەکان پێشتر کەسێکی کوشتووە و فەرمانی دادوەر بۆ دەستگیرکردنی دەرچووە، ئەمشەو لە کاتی دەستگیرکردنیدا، ئامادە نەبووە خۆی رادەستی هێزەکانی ئاسایش بکات و تەقەی کردووە، بەوهۆیەوە چوار کارمەندی ئاسایش بریندار بوون.
 
لەمیا رەسوڵ، پەیامنێری رووداو لە بەردەم نەخۆشخانەی ئیمێرجێنسیی هەولێر رایگەیاند، ئەو چوار کارمەندەی ئاسایش کە لە رووبەڕووبوونەوەکەدا بریندار ببوون، برینەکانیان سووکە و هیچ یەکێکیان گولـلەیان بەرنەکەوتووە.
 
پەیامنێری رووداو کە قسەی لەگەڵ گوتەبێژی ئاسایش کردووە، دەشڵێت، هەردوو تۆمەتبارەکە لە کاتی چوونی هێزەکانی ئاسایش بۆ بەردەم ماڵیان، تەقەیان کردووە، بەڵام بە ماوەی کەمتر لە کاژێرێک دەستگیرکراون.
 
بەڕێوەبەرایەتیی ئاسایشی هەولێر لە راگەیێندراوێکدا رەتیکردەوە هیچ ئەندامێکیان لە رووبەڕووبوونەوەکە بریندار بووبێت و دەڵێت، هێزەکانیان لەکاتی دەستگیرکردنی تۆمەتبارێکدا بە ناوی (ب، ن، م) کە بەپێی ماددەی 431 لە یاسای سزادانی عێراق داواکراو بووە، کەسێکی نزیکی تۆمەتبارەکە رووبەڕوویان بووەتەوە. دەشڵێت، "ئەو تۆمەتبارەی رووبەڕووی هێزەکانمان بووەتەوە بە ناوی( ها. ج، م) لەلایەن هێزەکانمان دەستگیرکرا و بەدواداچوون بەردەوامە بۆ دەستگیرکردنی تۆمەتبار (ب. ن)."

 

 

بابەتی پەیوەندیدار

بەفر بەرزاییەکانی شرنەخی سپیپۆش کرد
کوردستان21-11-2026

بەفر بەرزاییەکانی شرنەخی سپیپۆش کرد

پارتی و یەکێتی؛ شکاندنی بەستەڵەکی پەیوەندییەکان و مەرجەکانیان بۆ یەکدی
کوردستان21-11-2026

پارتی و یەکێتی؛ شکاندنی بەستەڵەکی پەیوەندییەکان و مەرجەکانیان بۆ یەکدی

مەسرور بارزانی: هیچ کەسێک مافی دابەشکردنی کوردستانی نییە
کوردستان21-11-2026

مەسرور بارزانی: هیچ کەسێک مافی دابەشکردنی کوردستانی نییە

پێشنیازەکان

ئەمەنەش ببینە